უკრაინას ეროვნული ანტიკორუფციული ბიუროს ახალი დირექტორი ჰყავს

უკრაინის მინისტრთა კაბინეტმა ეროვნული ანტიკორუფციული ბიუროს ახალ დირექტორად სემიონ კრივონოსი დანიშნა.

უკრაინული ცნობით, შესაბამისი გადაწყვეტილება მთავრობის რიგგარეშე სხდომაზე მიიღეს.

„უკრაინამ შეასრულა ევროკავშირის შვიდივე რეკომენდაცია, რომელიც განისაზღვრა კანდიდატის სტატუსის მიღებისას. ეს აჩვენებს ჩვენს მიზანდასახულობას და ჩვენს სურვილს გაწევრიანების მოლაპარაკებების დაწყებაზე წელსვე გადავიდეთ. ეროვნული ანტიკორუფციული ბიუროს დირექტორის დანიშვნასთან ერთად, ჩვენ ასევე გვაქვს სრულად ჩამოყალიბებული და დამოუკიდებელი ანტიკორუფციული ინფრასტრუქტურა. ჩვენი გუნდი ერთგულია კორუფციის მიმართ ნულოვანი ტოლერანტობის პრინციპისა და ანტიკორუფციული ინსტიტუტების მხარდაჭერის მიმართ“, - განაცხადა პრემიერ-მინისტრმა დენის შმიგალმა.