ესტონეთის არჩევნებში კაია კალასის პარტიამ გაიმარჯვა
ესტონეთის პრემიერ-მინისტრი, კაია კალასი კვირას გამართულ არჩევნებში გამარჯვების მოპოვების შემდეგ, კოალიციური მთავრობის ფორმირებას გეგმავს.
კაია კალასს, რომლის „რეფორმის პარტიამ“ 101 ადგილიან პარლამენტში 37 მანდატის მოპოვება შეძლო, კოალიციის შესაქმნელად იმ ხუთი პარტიიდან, რომლებმაც პარლამენტში მანდატები მიიღეს, ერთთან ან რამდენიმესთან მუშაობა მოუწევს.
ესტონეთის საარჩევნო კომისიის მონაცემებით, არჩევნებში მეორე ადგილზე გავიდა ულტრამემარჯვენე ნაციონალისტური „ესტონეთის კონსერვატიული სახალხო პარტია“, რომელმაც არჩევნებში 17 მანდატი მოიპოვა.
კალასი პრემიერ-მინისტრად პირველად 2021 წელს აირჩიეს და მან პროევროპული პოზიცია და უკრაინის მიმართ ძლიერი მხარდაჭერა გამოხატა.
ესტონეთის საარჩევნო კომისიის მონაცემებით, არჩევნებში 615 009 ამომრჩეველი მონაწილეობდა, რაც ქვეყნის არჩევნებში დაფიქსირებული ყველაზე მაღალი აქტივობაა 1991 წლის შემდეგ, როდესაც ესტონეთმა დამოუკიდებლობა აღიდგინა.
v-if="article.gallery" v-html="article.gallery"
