პარლამენტის შენობაში გადაადგილების შეზღუდვა სპეცსამსახურების მიერ როდის აქეთ არის ნორმალური?! - ჩემს მიმართ იყო ფიზიკური ძალადობა და ჩაიდინეს სისხლის სამართლის დანაშაული, - ამის შესახებ ჟურნალისტებთან "სტრატეგია აღმაშენებლის" ლიდერმა გიორგი ვაშაძემ განაცხადა.

მისი თქმით, ადამიანები, ვინც მათ გადაადგილებას უზღუდავენ, პოლიტიკურ დავალებას ასრულებენ.

"ეს არის, როგორ იქცევა შავლეგ პაპუაშვილი. პარლამენტის წევრს აქვს ბიუროზე დასწრების უფლება. პარლამენტის შენობაში გადაადგილების შეზღუდვა სპეცსამსახურების მიერ როდის აქეთ არის ნორმალური? ეს პარლამენტი დაუბრუნდება ხალხს, არ იქნება აქ რუსული ინტერესების დაცვა არასდროს.

სამწუხაროდ, ეს ადამიანები (ვინც გადადგილებას აკონტროლებენ) ასრულებენ პოლიტიკურ დავალებას, დაცვის უფროსი ჯანელიძე არის სისხლის სამართლის დამნაშავე, სხვებიც იქ იყვნენ, დააფიქსირეს, რომ მან ფიზიკური მოქმედებიდან გამომდინარე ჩაიდინა სისხლის სამართლის დანაშაული. ვგულისხმობ ჩემს გამოყვანას კომიტეტიდან და არა მარტო, კერძოდ, იმას, რაც შემდეგ მოხდა. ეს იყო ფიზიკური ძალადობა მათი მხრიდან, მიიღეს პასუხი მაგაზეც, მაგრამ ეს არის სისხლის სამართლის დანაშაული", - განაცხადა ვაშაძემ.