თამარ კორძაია - უამრავი ადამიანის და ორგანიზაციის სახელით მოგიწოდებთ, არ დაუჭიროთ მხარი ამ კანონპროექტებს
უამრავი ადამიანის და ორგანიზაციის სახელით, მოგიწოდებთ, არ მიიღოთ ეს გადაწყვეტილება და არ დაუჭიროთ ამ კანონს მხარი, - ამის შესახებ ოპოზიციონერმა დეპუტატმა, თამარ კორძაიამ პარლამენტის პლენარულ სხდომაზე განაცხადა.
მან კოლეგებს „უცხოელი აგენტების რეგისტრაციის შესახებ“ და „უცხოური გავლენის გამჭვირვალობის შესახებ“ კანონპროექტებთან დაკავშირებით, საქართველოში მოქმედი ორგანიზაციების, უნივერსიტეტებისა და ქვეყნის რიგითი მოქალაქეების განცხადებები გააცნო.
„ის ერთიანობა, რომელსაც ამ პარლამენტში ჩვენ, ოპოზიციონერები ხალხისგან ვგრძნობთ, აუცილებლად გამოიღებს შედეგს. საქართველო აუცილებლად გახდება ევროკავშირის პერსპექტივის მქონე ქვეყანა, რომელსაც ამ კანონის მიღებით, უდიდესი საფრთხე ემუქრება. ვცდილობ მოგაწვდინოთ იმ ადამიანების ხმა, რომლებიც ამ ქვეყანაში ცხოვრობენ, რომლებიც ხედავენ, რომ ამ კანონის მიღებით, ხელისუფლება მათ სახელმწიფოებრივ პერსპექტივას ართმევს“, - განაცხადა თამარ კორძაიამ.
v-if="article.gallery" v-html="article.gallery"
