ეკა ხერხეულიძე ელისო ბოლქვაძეს - რაც არ უნდა შოპენი დაგეკრათ, თქვენს შთამომავლობას მაინც მოღალატის სახელითა და გვარით დაამახსოვრდებით

რაც არ უნდა შოპენი დაგეკრათ, ქალბატონო ელისო, თქვენს შთამომავლობას მაინც მოღალატის სახელითა და გვარით დაამახსოვრდებით, - ამ სიტყვებით „ნაციონალური მოძრაობის“ წევრმა დეპუტატმა, ეკა ხერხეულიძემ პარლამენტის კულტურის კომიტეტის თავმჯდომარე ელისო ბოლქვაძეს, პლენარულ სხდომაზე მიმართა.

როგორც ეკა ხერხეულიძემ სიტყვით გამოსვლისას აღნიშნა, ე.წ. უცხოური გავლენის აგენტების შესახებ კანონის მიღებით, ცდილობენ, საქართველოს მოსახლეობის 80%-ის პოლიტიკური გემოვნება შეცვალონ.

„ნებისმიერი კანონის არსებობასა და დანერგვას თავისი შინაარსი უნდა ჰქონდეს. მთელი დასავლეთი გეუბნებათ, რომ ეს კანონი ამერიკული არ გახლავთ. მაინტერესებს, ვის დაკვეთას ასრულებთ, გარდა რუსეთისა? ვინ არის თქვენი მოკავშირე, გარდა რუსეთისა? მარტო ხართ ამ სამყაროში და საკუთარ ქმედებას ვერ აფასებთ. მონის ფსიქიკა ასეთია. მიუხედავად ამისა, სამშობლოს ღალატის ფასს აუცილებლად გადაიხდით. რაც არ უნდა შოპენი დაგეკრათ, ქალბატონო ელისო, თქვენს შთამომავლობას მაინც მოღალატის სახელითა და გვარით დაამახსოვრდებით.

საქართველოს მოსახლეობის 80% გეუბნებათ, რომ მათი არჩევანი დასავლეთია. თქვენ, უმცირესობაში მყოფნი, რომლებიც ერთი მდიდარი ადამიანის სიმპათიით სარგებლობთ, ფიქრობთ, ქართველი ხალხის პოლიტიკური გემოვნება როგორ შეცვალოთ. მსგავსი ქმედება ძალიან ძვირი დაუჯდა ყველას და ამას ვერც თქვენ გადაურჩებით“, - განაცხადა ეკა ხერხეულიძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს