პარლამენტის ოპოზიციონერი დეპუტატები - თამარ კორძაია და ხათუნა სამნიძე პარლამენტის თავმჯდომარის ოთახში შევიდნენ, თუმცა, მათი თქმით, "შალვა პაპუაშვილი დაიმალა".
ამასთან, ოპოზიციონერი დეპუტატების განცხადებით, პარლამენტის თავმჯდომარის კაბინეტში შესვლიდან რამდენიმე წუთში ისინი ოთახიდან ძალის გამოყენებით გამოიყვანეს.
"შალვა პაპუაშვილი არის ყველაზე მხდალი სპიკერი, ვინც კი ჰყოლია პარლამენტს. დაგვემალა, ქალმა პოლიტიკოსებმა ვთხოვეთ შეხვედრა, რომ არ შეიძლება დარბევა მშვიდობიანი მომიტინგეების, საუბარი გვინდოდა მასთან. დაიმალა, ძალით გამოგვათრიეს. არ ვიცი, სად არის, კარადაშია შემალული. ვისხედით, არაფერს ვაშავებდით, "ლაივი" გვქონდა ჩართული და ვამბობდით, რომ ველოდებით თავმჯდომარეს", - განაცხადა სამნიძემ.
