ნიკა მელია - უნდა ვიდგეთ იმდენ ხანს, რამდენიც დასჭირდება პროცესს - განგებამ უკან დასახევი გზა აღარ დაგვიტოვა

იმიტომ არ გვარბევენ, რომ ძალიან ბევრნი ვართ და ძალიან მშვიდად ვართ, - ამის შესახებ „ნაციონალური მოძრაობის“ წევრმა და პარტიის ყოფილმა თავმჯდომარემ, ნიკა მელიამ განაცხადა.

მისი თქმით, საქართველოს მოქალაქეები რუსთაველის გამზირზე პროტესტის გამოსახატად უნდა იდგნენ მანამ, სანამ სპეცრაზმელებს თავიანთი სიმტკიცითა და სიმრავლით არ დაღლიან.

ე.წ. უცხოური გავლენის აგენტების შესახებ კანონის გასაპროტესტებლად აქციაზე სიტყვით გამოსვლისას, ნიკა მელიამ მადლობა გადაუხადა იმ ოპოზიციონერ კოლეგებს, რომლებმაც გასული დღეების განმავლობაში სხვადასხვა ტრიბუნასთან თავიანთი პოზიცია დააფიქსირეს.

„ეს არის პროცესი, რომელიც პარტიული პოლიტიკისგან მთლიანად დისტანცირებულია. ნებისმიერ ადამიანს, რომელიც მოიწადინებს, რომ ეს პარტიული ინტერესის სფეროში მოაქციოს, ამის უფლებას არ მივცემთ. მე ვფიქრობ, ჩვენ უნდა ვიდგეთ იმდენ ხანს, რამდენი დღეც არ უნდა დასჭირდეს პროცესს. უნდა ვიდგეთ, მანამ, სანამ ჩვენი სიმრავლითა და სიმტკიცით ამ სპეცრაზმელებს არ დავღლით.

თვეების განმავლობაში, კიევში, ადამიანები მეტროსადგურებში ათენებდნენ და აღამებდნენ. თვეების განმავლობაში იცხოვრეს იქ და შეინარჩუნეს თავისუფლების შანსი. ახლა გამარჯვების უდიდესი შანსი აქვთ. ჩვენ რამ უნდა შეგვიშალოს ხელი, რომ რამდენი დღე და ღამეც არ უნდა დაგვჭირდეს, მშვიდობიანად ვიდგეთ აქ. ეს არის სტრატეგია რომელიც რეჟიმს უნდა დავუპირისპიროთ.

ჩვენ უნდა ვისაუბროთ კოლეგებთან, პარლამენტის ოპოზიციონერ წარმომადგენლებთან. მინდა მათ დიდი მადლობა ვუთხრა, რადგან იბრძოლეს და ყველა შესაძლებლობა, რაც მათ მიეცათ, გამოიყენეს. ყველამ უნდა დაინახოს, რომ ახლა ბრძოლა უალტერნატივოა.

იმიტომ არ გვარბევენ, რომ ძალიან ბევრნი ვართ და ძალიან მშვიდად ვართ. განგებამ უკან დასახევი გზა აღარ დაგვიტოვა“, - განაცხადა ნიკა მელიამ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი