სალომე სამადაშვილი - ამ ხალხმა უნდა დაინახოს, რომ ჩვენ ვიბრძვით, არ ვაპირებთ ბრძოლით დავიღალოთ, სანამ არ გავაფორმებთ ბოლომდე ქართველი ხალხის გამარჯვებას ამ ქვეყანაში

არ უნდა მოვდუნდეთ და უნდა ვიყოთ ძალიან შესაბამისად მობილიზებული. ყველას მოვუწოდებ, დღეს შევიკრიბოთ, აუცილებლად, ისევ აქციაზე. ამ ხალხმა უნდა დაინახოს, რომ ჩვენ ვიბრძვით, არ ვაპირებთ რომ დავიღალოთ ბრძოლით, სანამ არ გავაფორმებთ ბოლომდე ქართველი ხალხის გამარჯვებას ამ ქვეყანაში, - ამის შესახებ „ლელოს“ ერთ-ერთმა ლიდერმა სალომე სამადაშვილმა პარტიის ოფისში გამართულ ბრიფინგზე განაცხადა.

მისი თქმით, „ქართულმა ოცნებამ“ არაერთხელ მოატყუა ქართული საზოგადოება, ამიტომ მნიშვნელოვანია, რომ ე.წ. აგენტების შესახებ კანონპროექტის გაწვევა სამართლებრივად გაფორმდეს, რაც სამადაშვილის განმარტებით, რამდენიმე გზით შეიძლება მოხდეს.

„გუშინ ქართველი ხალხი გამოვიდა ქუჩაში ძალიან კონკრეტული მოთხოვნით, რომ რუსული კანონი გაუქმდეს და გაწვეულ იქნას უკან. „ქართული ოცნება“ რომელმაც ბევრჯერ მოატყუა ქართველი ხალხი და ძირითადად ქართველი ხალხის მოტყუებით არის დაკავებული, დღეს გამოვიდა და გამოაცხადა, რომ გაიტანს ამ კანონპროექტს უკან, მაგრამ მინდა შეგახსენოთ ყველას, როდესაც ქუჩაში გამოვიდა 20 ივნისის შემდეგ, უამრავი ადამიანი, „ქართული ოცნება“ მათ დაჰპირდა პროპორციულ არჩევნებს და მერე ყველას გვახსოვს, როგორ შეასრულა ეს დაპირება. ამიტომ, არ უნდა მოვდუნდეთ და უნდა ვიყოთ ძალიან შესაბამისად მობილიზებული. ყველას მოვუწოდებ, დღეს შევიკრიბოთ, აუცილებლად, ისევ აქციაზე. ამ ხალხმა უნდა დაინახოს, რომ ჩვენ ვიბრძვით, არ ვაპირებთ დავიღალოთ ბრძოლით, სანამ არ გავაფორმებთ ბოლომდე ქართველი ხალხის გამარჯვებას ამ ქვეყანაში. ამ ეტაპზე გამარჯვების გაფორმება იქნება ოფიციალურად ამ კანონპროექტის გაუქმება. ამის შესაძლო გზა არის - მეორედ კენჭისყრაზე კანონპროექტის დაყენება და უარყოფა ამ კანონპროექტის, იმ ხალხის მიერ, ვინც პირველ მოსმენაზე მხარი დაუჭირა. ასევე, არის შესაძლებლობა ტექნიკურად, რომ დადგენილების პროექტს ეყაროს კენჭი და გაუქმდეს პირველი მოსმენით მიღება. „ქართულ ოცნებას“ ძალიან ბევრი იურისტი ჰყავს თავის გუნდში და ახლა ანრი ოხანაშვილი, რომელიც მე მემუქრებოდა, რომ აშშ-ის სამსახურებთან ჯაშუშობის თაობაზე კონტრაქტი რომ მაქვს გაფორმებული, ამას ძალიან მალე აჩვენებს საზოგადოებას, სწორედ ის დაჯდეს და დაწეროს გზა, როგორ აპირებს გაიწვიოს უკან თავისი მიღებული კანონპროექტი. მოთხოვნა ამ ეტაპზე არის კანონპროექტის გაუქმების ბოლომდე მიყვანა“,- განაცხადა სამადაშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს