პაატა ბურჭულაძე - გამარჯვებისკენ ერთი ნაბიჯი უკვე გადადგმულია, ახლა ფხიზლად უნდა ვიყოთ, რადგან ამ მთავრობისგან ბევრი ტყუილი გვაქვს მოსმენილი - გადამგდები არიან, არ არიან სიტყვის ხალხი

გილოცავთ! გამარჯვებისკენ ერთი ნაბიჯი უკვე გადადგმულია. ახლა ყველანი ძალიან ფხიზლად უნდა ვიყოთ, რადგან ამ მთავრობისგან ბევრი ტყუილი გვაქვს მოსმენილი , - ამის შესახებ ოპერის მომღერალმა პაატა ბურჭულაძემ პარლამენტთან მიმდინარე აქციაზე სიტყვით გამოსვლისას განაცხადა.

ბურჭულაძემ აქციის მონაწილეებს მოუწოდა, რომ ვიდრე წერტილი არ დაესმება ყველაფერს, ფხიზლად იყონ.

„გილოცავთ! გამარჯვებისკენ ერთი ნაბიჯი უკვე გადადგმულია. ეს მოხდა გუშინ და გუშინ წინ. ახლა ყველანი ძალიან ფხიზლად უნდა ვიყოთ, რადგან ამ მთავრობისგან ბევრი ტყუილი გვაქვს მოსმენილი. ესენი გადამგდები არიან, არ არიან სიტყვის ხალხი. გუშინ, მათ დასაჯეს საქართველოს ახალგაზრდობა, რადგან მათ უყვართ თავიანთი ქვეყანა. დარწმუნდნენ, რომ თურმე, სამშობლოს სიყვარული ძალიან ძლიერი ყოფილა, რომელიც მათთვის ცოტათი გაუგებარია.

ეს კანონი უკვე რომ ყოფილიყო მიღებული, დღეს ყველა ჩვენგანის სახლში, შეეძლოთ მოსულიყვნენ და დავეპატიმრებინეთ.

საქართველოს დიდი უმრავლესობა საზღვარგარეთ არის წასული, იმისათვის, რომ იმუშაონ და იქიდან თანხა გადმოურიცხონ საქართველოს მოქალაქეებს, ამიტომაც, ამათ თვალში თქვენ იქნებოდით აგენტები, უცხოეთიდან დაფინანსებული აგენტები. ამიტომ, ჩვენ ძალიან დიდი ნაბიჯი გადავდგით წინ, რომ ამაზე უარი ვათქმევინეთ, მაგრამ სანამ წერტილი არ დაესმება ამ ყველაფერს ძალიან ფხიზლად უნდა ვიყოთ. ყოველთვის უნდა გამოვიდეთ, როცა საჭირო იქნება და გავაპროტესტოთ.

მინდა, ბიძინა ივანიშვილს გავაგონოთ, საქართველო ვისია. ვისია საქართველო? - ჩვენი!“, - განაცხადა ბურჭულაძემ აქციაზე სიტყვით გამოსვლისას.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის