ურსულა ფონ დერ ლაიენი - მშვიდობიანი მოსახლეობის წინააღმდეგ რუსეთის მიზანმიმართული დარტყმები ომის დანაშაულია
ევროკომისიის პრეზიდენტი, ურსულა ფონ დერ ლაიენი რუსეთის მიერ უკრაინის წინააღმდეგ განხორციელებულ კიდევ ერთ სარაკეტო თავდასხმას ეხმაურება და აცხადებს, რომ ეს ომის დანაშაულია.
„ვოლოდიმირ ზელენსკის უკრაინის წინააღმდეგ განხორციელებული სარაკეტო თავდასხმების შემდეგ ვესაუბრე. რუსეთის მიზანმიმართული დარტყმები მშვიდობიანი მოსახლეობისა და ენერგო ქსელის წინააღმდეგ ომის დანაშაულია. ეს აძლიერებს ჩვენს საერთო გადაწყვეტილებას, გავაგრძელოთ პროგრესის მიღწევა უკრაინის რეფორმების განხორციელების მცდელობაში ევროკავშირისკენ მიმავალ გზაზე“, - წერს ურსულა ფონ დერ ლაიენი „ტვიტერზე“.
9 მარტის ღამეს რუსეთმა უკრაინაში სხვადასხვა ტიპის 81 რაკეტა გაუშვა. უკრაინის პრეზიდენტ ვოლოდიმირ ზელენსკის განცხადებით, სარაკეტო დარტყმის შედეგად 6 უკრაინელი დაიღუპა. პრეზიდენტმა ზელენსკიმ ურსულა ფონ დერ ლაიენთან საუბრის შემდეგ განაცხადა, რომ ევროკომისიის ხელმძღვანელი დადებითად აფასებს უკრაინის პროგრესს ანტიკორუფციული მიმართულებით.
v-if="article.gallery" v-html="article.gallery"
