ფრაქცია - „ქართული ოცნების" წევრები ევროპის საბჭოს საპარლამენტო ასამბლეის მონიტორინგის კომიტეტის წევრებს შეხვდნენ

12 რეკომენდაციის შესრულების მიმდინარეობა და ამ მიმართულებით განხორციელებული საკანონმდებლო ინიციატივები იყო განხილვის მთავარი თემა ფრაქცია - „ქართული ოცნების" წევრებსა და ევროპის საბჭოს საპარლამენტო ასამბლეის მონიტორინგის კომიტეტის წევრებს შორის გამართულ შეხვედრაზე. ამის შესახებ ინფორმაციას პარლამენტის პრესსამსახური ავრცელებს.

ფრაქცია „ქართული ოცნების" თავმჯდომარის მოადგილის, ირაკლი ჩიქოვანის განცხადებით, შეხვედრა ქვეყანაში მიმდინარე პროცესების შეფასებას და გარკვეული რეკომენდაციების შემუშავებას ისახავდა მიზნად.

მისივე თქმით, ევროპელმა კოლეგებმა მოისმინეს ინფორმაცია რეკომენდაციების შესრულების მიმართულებით არსებულ პროგრესსა და მიმდინარე პროცესთან დაკავშირებითაც.

„ეს არის გეგმიური, შეხვედრა, რომელიც მიზნად ისახავს ქვეყანაში მიმდინარე პროცესების შეფასებას, ასევე გარკვეული რეკომენდაციების შემუშავებას. ჩვენ ვისაუბრეთ 12 რეკომენდაციის შესრულების თაობაზე, რომელიც არის ჩვენთვის უმთავრესი საკითხი. მივაწოდეთ ინფორმაცია, თუ რა საკანონმდებლო ინიციატივები გვქონდა, რა საკითხებთან დაკავშირებით არის უკვე მიღებული გადაწყვეტილებები და ასევე ვისაუბრეთ იმაზე, თუ როგორ ვაპირებთ გავითვალისწინოთ ევროპის საბჭოს ვენეციის კომისიის რეკომენდაციები სხვადასხვა კანონებთან მიმართებაში. მათ შორის, სასამართლო რეფორმასთან და დეოლიგარქიზაციის შესახებ კანონთან დაკავშირებით", - განაცხადა ირაკლი ჩიქოვანმა შეხვედრის დასრულების შემდეგ.

ირაკლი ჩიქოვანთან ერთად შეხვედრას, ევროპასთან ინტეგრაციის კომიტეტის თავმჯდომარე მაკა ბოჭორიშვილი ესწრებოდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს