ლევან ბეჟაშვილი - „ქართული ოცნების“ ლიდერთა განცხადებები ხაზს უსვამს, რომ მათი რეჟიმი ძალადობრივია - ყველა ხერხითა და მიუღებელი მეთოდით ცდილობენ მათ მთავარ პროპაგანდისტს პოლიტიკური მხარდაჭერა გამოუცხადონ
„ქართული ოცნება“ ყველა ხერხითა და მიუღებელი მეთოდით ცდილობს მათ მთავარ პროპაგანდისტს პოლიტიკური მხარდაჭერა გამოუცხადოს - „ქართული ოცნების“ ლიდერთა განცხადებები ხაზს უსვამს, რომ მათი რეჟიმი ძალადობრივია, - ასე უპასუხა ფრაქცია „ნაციონალური მოძრაობის“ თავმჯდომარის მოვალეობის შემსრულებელმა ლევან ბეჟაშვილმა ტელეკომპანია POSTV-ის დირექტორთან, შალვა რამიშვილთან დაკავშირებით დასმული კითხვას, რომელსაც რამდენიმე ქალი სექსუალურ შევიწროებაში ადანაშაულებს.
ბეჟაშვილის თქმით, ეს ძალადობა გულისხმობს როგორც პოლიტიკურ, ასევე სხვა ტიპის ძალადობას.
„მათთვის მთავარი ღირებულებაა მოძალადე და ზოგადად, ძალადობა. ამიტომაც ისინი შალვა რამიშვილს ნებისმიერ ფასად იცავენ“, - განაცხადა ლევან ბეჟაშვილმა.
