თამარ ჩარკვიანის განცხადებით, ხვალ დაგეგმილი აქციის ერთ-ერთი მოთხოვნა დასანქცირებული მოსამართლეებისთვის საქმიანობის უფლების შეჩერება იქნება
პარტია „კანონი და სამართლის“ ლიდერის, დეპუტატ თამარ ჩარკვიანის განცხადებით, ხვალ დაგეგმილი აქციის ერთ-ერთი მოთხოვნა დასანქცირებული მოსამართლეებისთვის საქმიანობის უფლების შეჩერება იქნება.
ჩარკვიანი ამბობს, რომ ამ საკითხზე საგამოძიებო კომისიის შექმნის მომხრეა და ოპოზიციას „ხმებს არ დაუკავებს“, თუმცა ფიქრობს, რომ ეს პროცესი გაიწელება, ახლა კი „ყველაფერი უფრო დაჩქარებული წესითაა გასაკეთებელი”.
„ჩემი ხმა, როგორც წესი, ოპოზიციის ინიციატივებს აქვს ხოლმე და ამჯერადაც ექნება, მაგრამ ამ ყველაფერს სკეპტიკურად ვუყურებ. ეს პროცესი დროში გაიწელება. ჩემი აზრით, ახლა არის დრო, რომ ეს პირები განვარიდოთ, შეუჩერდეთ მუშაობის უფლება. ვემხრობი სხდომის ჩატარებას, მაგრამ ოპოზიციის ხელში არის იმ ადამიანების ბედ-იღბალი, რომლებისთვისაც ამ „კლანურ“ კორუფციაში მხილებული მოსამართლეებს აქვთ განაჩენი გამოტანილი”,- განაცხადა თამარ ჩარკვიანმა.
v-if="article.gallery" v-html="article.gallery"
