ირაკლი კობახიძე - სამწუხაროდ, სახელმწიფო სუვერენიტეტისა და სასამართლოს დამოუკიდებლობის პრინციპის დასაცავად გვიწევს მოქმედება ადამიანების წინააღმდეგ, რომლებსაც ოპოზიცია ეწოდებათ - ბუნებრივია, დღესაც რეგისტრაციას არ გავივლით
„ქართული ოცნების“ თავმჯდომარის ირაკლი კობახიძის განცხადებით, საგამოძიებო კომისიის შექმნის საკითხზე მმართველი გუნდის წევრები რეგისტრაციას დღესაც არ გაივლიან.
როგორც მან პარლამენტში განაცხადა, „ქართული ოცნების“ მხრიდან სასამართლოს დამოუკიდებლობის პრინციპი დაცული იქნება.
„ჩვენი პოზიცია არის უცვლელი. მინდა შეგახსენოთ, რომ ყველა დეპუტატის ვალდებულებაა, გაუფრთხილდეს სახელმწიფო სუვერნიტეტს, სასამართლოს დამოუკიდებლობის პრინციპს. ჩვენ ვმოქმედებთ სწორედ ამ პრინციპების შესაბამისად. სამწუხაროდ, ჩვენ ამ შემთხვევაში, ამ პრინციპების დასაცავდ გვიწევს მოქმედება იმ ადამიანების წინააღმდეგ, რომლებსაც ეწოდებათ ოპოზიცია. ეს არის ძალიან სამწუხარო, თუმცა, ჩვენ პრინციპულად ვდგავართ ამ პოზიციაზე. რა თქმა უნდა, ჩვენი მხრიდან სასამართლოს დამოუკიდებლობის პრინციპი დაცული იქნება. შესაბამისად, დღესაც ბუნებრივია, რეგისტრაციას არ გავივლით“,-განაცხადა კობახიძემ.
