საქართველოში ვიზიტის ფარგლებში, საფრანგეთის საგარეო საქმეთა მინისტრმა კატრინ კოლონამ, საქართველოს საგარეო საქმეთა მინისტრის მოადგილე თეიმურაზ ჯანჯალიასთან ერთად, გმირთა მოედანზე, საქართველოს ერთიანობისათვის დაღუპულ გმირთა მემორიალი გვირგვინით შეამკო. აღნიშნულ ინფორმაციას საქართველოს საგარეო საქმეთა სამინისტრო ავრცელებს.
„აღსანიშნავია, რომ ვიზიტის ფარგლებში, კატრინ კოლონამ შეხვედრები გამართა საქართველოს პრემიერ-მინისტრ ირაკლი ღარიბაშვილთან, საქართველოს პრეზიდენტ სალომე ზურაბიშვილთან და ქართველ კოლეგა ილია დარჩიაშვილთან“, - ნათქვამია ინფორმაციაში.
