ფოთის, ხობისა და სენაკის მაჟორიტარი დეპუტატობის კანდიდატი აცხადებს, რომ საარჩევნო სიებში გარდაცვლილი ადამიანების მონაცემებია

ფოთის, ხობისა და სენაკის მაჟორიტარი დეპუტატობის კანდიდატმა პოლიტიკური გაერთიანება „თავისუფალი საქართველოდან“ ბესიკ წულეისკირმა საკუთარი არჩევანი სენაკის # 64 ოლქში გააკეთა.

მისი განცხადებით, ეს არჩევნები მნიშვნელოვანია და უნდა გაიმარჯვოს ისეთმა კანდიდატმა, რომელიც საქმის გაკეთებაზე იქნება ორიენტირებული.

მისივე მტკიცებით, ამომრჩეველთა სიებში გარდაცვლილი ადამიანების მონაცემებიცაა.

„ამომრჩევლებს მივმართავ მოახდინონ სრული მობილიზაცია, ეს არჩევნები მნიშვნელოვანია რათა გაიმარჯვოს იმ კანდიდატმა, რომელიც თითოეულ ადამიანზე იქნება ორიენტირებული და გააკეთებს საქმეს. ერთ-ერთ უბანზე 10-15 წლის წინ გარდაცვლილი ადამიანია სიაში, მიუხედავად იმისა, რომ გარდაცვალების ცნობა ვნახე. ეს ერთი ფაქტი არაა. ასეთი უამრავია, მიცვალებულებია სიებში. მე გამარჯვების მოლოდინი მაქვს, მაგრამ არც მეორე ტურს გამოვრიცხავ“, - განაცხადა ბესიკ წულეისკირმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის