POLITICO –კონფიდენციალური ინფორმაციის გაჟონვის თავიდან ასაცილებლად, კიევი საგაზაფხულო კონტრშეტევის დეტალებს მოკავშირეებისგან მალავს
კონფიდენციალური ინფორმაციის გაჟონვის თავიდან ასაცილებლად, კიევი საგაზაფხულო კონტრშეტევის დეტალებს მოკავშირეებისგან მალავს.
ამის შესახებ ინფორმაციას POLITICO საკუთარ ანონიმურ წყაროებზე დაყრდნობით ავრცელებს.
როგორც გამოცემა წერს, უკრაინელები კონტრშეტევის შესახებ ინფორმაციის დამალვის ერთ-ერთ მიზეზად გასულ თვეს, მასაჩუსეტსის ეროვნული გვარდიის საჰაერო ძალების სადაზვერვო განყოფილების თანამშრომლის, ჯეკ ტეიშეირის მიერ საიდუმლო დოკუმენტების გაჟონვას ასახელებს.
POLITICO-ს ცნობით, აღნიშნული დოკუმენტი დეტალურ ინფორმაციას შეიცავდა უკრაინის ომის შესახებ, მათ შორის ინფორმაციას უკრაინის ჯარების პოზიციებისა და საბრძოლო ტექნიკის მარაგების შესახებ.
უკრაინელმა დეპუტატმა, რომელიც გამოცემას ანონიმურობის პირობის დაცვით ესაუბრა, აღნიშნა, რომ „ქვეყანაში მხოლოდ რამდენიმე ადამიანია, ვინც იცის კონტრშეტევის გეგმა“.
v-if="article.gallery" v-html="article.gallery"
