ბიურომ 16-19 მაისის პლენარული სხდომების დღის წესრიგი განსაზღვრა. ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ცნობით, პარლამენტი მომავალ კვირაში იუსტიციის უმაღლესი საბჭოს წევრებს უყრის კენჭს.

„რაც შეეხება ახალ საკანონმდებლო ინიციატივებს, მათ შორის ერთ-ერთია საქართველოს საგადასახადო კოდექსში შესატანი ცვლილება, რომელიც ბიზნესის ხელშეწყობას ეხება. ბიუროს გადაწყვეტილებით, საკანონმდებლო პაკეტს პარლამენტი დაჩქარებული წესით განიხილავს.

დღესვე, ბიუროს სხდომაზე საპარლამენტო პოლიტიკური ჯგუფი „ხალხის ძალა“ დარეგისტრირდა“, - ნათქვამია გავრცელებულ ინფორმაციაში.