შალვა პაპუაშვილი იტალიის პარლამენტის დეპუტატთა პალატის თავმჯდომარეს შეხვდა
საქართველოს პარლამენტის თავმჯდომარე შალვა პაპუაშვილი იტალიის პარლამენტის დეპუტატთა პალატის თავმჯდომარეს, ლორენცო ფონტანას შეხვდა.
როგორც პარლამენტის პრესსამსახურის მიერ გავრცელებულ ინფორმაციაშია აღნიშნული, მხარეებმა საპარლამენტო თანამშრომლობის გაძლიერებაზე ისაუბრეს. ასევე, ბოლო წლებში განათლების, კულტურის, ვაჭრობის მიმართულებებით საქართველო-იტალიის ურთიერთობების მზარდ დინამიკას მიესალმნენ.
„საქართველოს პარლამენტის თავმჯდომარემ ევროკავშირში გაწევრიანების გზაზე საქართველოს პროგრესზე ისაუბრა და საქართველოსთვის კანდიდატი ქვეყნის სტატუსის მინიჭებაზე იტალიის მხარდაჭერის იმედი გამოთქვა.
ლორენცო ფონტანამ საქართველოსთან თანამშრომლობის შემდგომი გაღრმავების მზაობა გამოხატა და აღნიშნა, რომ იტალია მხარს უჭერს საქართველოს ევროპულ და ევროატლანტიკურ მისწრაფებებს, მათ შორის, კანდიდატი ქვეყნის სტატუსთან დაკავშირებით.
ამასთან, საქართველოს და იტალიის პარლამენტების თავმჯდომარეებმა საერთაშორისო უსაფრთხოების გარემო, სამხრეთ კავკასიაში მიმდინარე მოვლენები და ევროკავშირის მზარდი გეოპოლიტიკური როლი განიხილეს,“ - აღნიშნულია ინფორმაციაში.
v-if="article.gallery" v-html="article.gallery"
