ილია დარჩიაშვილი - უშიშროების საბჭოს იწვევს საქართველოს პრემიერ-მინისტრი - ამას გააკეთებს ნებისმიერ საკითხზე, რომელზეც საჭიროდ ჩათვლის

ეს არ არის საკითხი, რომელიც უშიშროების საბჭოს მოწვევის საფუძველი შეიძლება გახდეს, - ამის შესახებ საგარეო საქმეთა მინისტრმა, ილია დარჩიაშვილმა განაცხადა, რითაც საქართველოს პრეზიდენტის, სალომე ზურაბიშვილის მიერ გაკეთებულ შემდეგ განცხადებას გამოეხმაურა: „შეიკრიბოს უსაფრთხოების საბჭო საჯაროდ და განხილული იყოს რუსეთთან 3-თვიანი ვიზების დაწესების საკითხი“.

ილია დარჩიაშვილის განცხადებით, როდესაც საქართველოს პრემიერ მინისტრი საჭიროდ ჩათვლის უშიშროების საბჭოს მოწვევას, ამას აუცილებლად გააკეთებს.

„უშიშროების საბჭოს იწვევს საქართველოს პრემიერ-მინისტრი, იმ მოცემულობიდან გამომდინარე, როდესაც საჭიროებას ხედავს და ამის საჭიროება დგას. ეს არ არის საკითხი, რომელიც შეიძლება გახდეს საფუძველი უშიშროების საბჭოს მოწვევის. როდესაც ამას ჩათვლის საჭიროდ საქართველოს პრემიერ -მინისტრი, აუცილებლად გააკეთებს. ეს არ არის საკითხი, რომელიც შეიძლება, უშიშროების საბჭოზე მსჯელობის საგანი გახდეს. ეს არის გადაწყვეტილება, რომელსაც ამ ეტაპზე არ აქვს ის მასშტაბი, რომელმაც შეიძლება გამოიწვიოს უშიშროების საბჭოს შეკრება. ამას გააკეთებს პრემიერ-მინისტრი ნებისმიერ იმ საკითხზე, რომელზეც ჩათვლის საჭიროდ, როდესაც იქნება შესაბამისი სიტუაცია და პირველ რიგში, საჭიროება“, - განაცხადა ილია დარჩიაშვილმა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში