“ეკვილიბრიუმმა” და კომპანია SWEF LAND GROUP კასპის N1 საჯარო სკოლას ბიბლიოთეკა გაუხსნეს
საქართველოს პარლამეტის ეროვნული ბიბლიოთეკის საგანმანათლებლო მოძრაობა „ეკვილიბრიუმი“ რეგიონებში ბიბლიოთეკების მხარდაჭერას აგრძელებს. ამის შესახებ ინფორმაციას ეროვნული ბიბლიოთეკა ავრცელებს.
მოძრაობის წევრები კასპის მუნიციპალიტეტის N1 საჯარო სკოლას ესტუმრნენ.
მათი ცნობით, სკოლას კომპანია SWEF LAND GROUP-ის მხარდაჭერით ახლა უკვე ახალი ბიბლიოთეკა აქვს.
სკოლას SWEF LAND GROUP-ის წარმომადგენელი მარვა სვიდენიც ესტუმრა. ეროვნული ბიბლიოთეკის დირექტორმა გიორგი კეკელიძემ და მარვა სვიდენმა მოსწავლეებთან შეხვედრაც გამართეს.
„ეკვილიბრიუმი“ კომპანია SWEEP LAND GROUP-ს დაუმეგობრდა. პარტნიორებთან ერთად კასპის N1 სკოლას ახალი ბიბლიოთეკა მოვუწყვეთ. ბავშვებს კომპანიის წარმომადგენელი მარვა სვიდენი ჩვენთან ერთად შეხვდა. კომპანიასთან თანამშრომლობის სამომავლო გეგმებზეც ვისაუბრეთ“, - განაცხადა გიორგი კეკელიძემ.
v-if="article.gallery" v-html="article.gallery"
