ხატია დეკანოიძე - რეგლამენტში დაგეგმილი ცვლილებების საფუძველზე ფრაქცია „ნაციონალურ მოძრაობას“ ფრაქციის კიდევ უფრო მეტად დაშლის შიში აქვს - პარტიაში რთული მდგომარეობაა და ეშინიათ, ეს ფრაქციაზეც არ აისახოს

ჩემი ლოგიკური დასკვნა ასეთია: რეგლამენტში დაგეგმილი ცვლილებების საფუძველზე ფრაქცია „ნაციონალურ მოძრაობას“ ფრაქციის კიდევ უფრო მეტად დაშლის შიში აქვს - პარტიაში რთული მდგომარეობაა და ეშინიათ, ეს ფრაქციაზეც არ აისახოს, - ასე პასუხობს ყოფილი თანაგუნდელების კრიტიკას ოპოზიციონერი დეპუტატი ხატია დეკანოიძე.

დეკანოიძის თქმით, სხვა შემთხვევაში გაუგებარია „ნაციონალური მოძრაობის“ ამხელა ყურადღება და ფოკუსირება პოლიტიკური ჯგუფის შექმნის შესახებ საკანონმდებლო ინიციატივის მიმართ.

„გაუგებარია, ტალახის სროლა რა მიზანს ემსახურება. როცა „ნაციონალური მოძრაობის“ წინაშე არა ერთი შიდა ფრაქციული თუ პარტიული გამოწვევა არსებობს, გაუგებარია, რატომ უნდა იყოს ერთადერთი პრობლემა შეიქმნება თუ არა ხატია დეკანოიძისა და რომან გოცირიძის პოლიტიკური ჯგუფი. პოლიტიკურ ჯგუფს არ გააჩნია სხვა სარგებელი, გარდა იმისა, რომ აქვს საპარლამენტო გამოსვლებისთვის დრო. თანხა გამოყოფილია აპარატში დასაქმებული თანამშრომლებისთვის. ჩვენთვის პოლიტიკური ჯგუფი იქნება ინსტრუმენტი საპარლამენტო საქმიანობისათვის“, - განაცხადა ხატია დეკანოიძემ.

ცნობისთვის, პარლამენტში დაჩქარებული წესით განხილვისათვის ინიცირებულია დეპუტატების ხატია დეკანოიძისა და რომან გოცირიძის საკანონმდებლო ინიციატივა, რომლის გათვალისწინებით, პარლამენტში საარჩევნო ბლოკის სიით გასული დეპუტატები წარმდგენი პარტიისა და ფრაქციის დატოვების შემთხვევაში, პოლიტიკური ჯგუფის შექმნას შეძლებენ.

ლევან ლორთქიფანიძე - დამოუკიდებლობის დღეს ვხვდებით შფოთით, ბრაზით, არასტაბილურობის შეგრძნებით და ბუნდოვანი მომავლით
ქართული პრესის მიმოხილვა 22.05.2025
სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
მორიგი მნიშვნელოვანი პარტნიორობა უძრავი ქონების ბაზარზე
ისარგებლე „სილქნეტის“ 90-დღიანი პაკეტებით მთელი ზაფხული
გადაიხადეთ SOLO MASTERCARD World Elite ბარათით Dressup.ge-ზე და მიიღეთ 40%-იანი „ქეშბექი“
„ფავორიტი სტილის“ ახალი შენობა და ტექნოლოგიური განახლება - კომპანია ახალ ეტაპზე გადადის