„ნაციონალური მოძრაობის“ წევრებმა აჭარის მთავრობის სახლთან საქართველოს და ევროკავშირის დროშები, ასევე, მიხეილ სააკაშვილის ფოტოები გამოფინეს
აჭარის მთავრობის სახლთან „ერთიანი ნაციონალური მოძრაობის“ წევრები შეიკრიბნენ. მათ სიმბოლურად ევროკავშირის და საქართველოს დროშები, ასევე მიხეილ სააკაშვილის ფოტოები გამოფინეს.
მათი თქმით, ხალხის არჩევანია ევროპა, ხოლო “ქართული ოცნება” ქვეყანას რუსულ ჭაობში მიათრევს.
“ბათუმიდან საქართველოს დამოუკიდებლობის დღეს გილოცავთ. მიუხედავად ხელისუფლების მცდელობისა, რომ წაგვიყვანოს ისევ რუსული ორბიტისკენ, ჩვენ საქართველოს მოსახლეობა არ მივცემთ უფლებას, რომ რუსულ ჭაობში შეგვათრიოს. ჩვენ ვიცით, რომ საქართველოს, ჩვენი ქვეყნის თავისუფლება და სიკეთეები არის ევროკავშირსა და ნატოში. 2003 წელს, მიხეილ სააკაშვილის ხელმძღვანელობით საქართველოში შემოვიდა ევროკავშირის უფრო მეტი ატრიბუტიკა და დაიწყო ჩვენი ქვეყნის სწრაფვა ევროსტრუქტურებში ინტეგრაციისკენ. ამიტომ მკაცრად ვეუბნებით ხელისუფლებას, რომ ხალხის არჩევანია ევროკავშირი”, - განაცხადა "ნაციონალური მოძრაობის" წარმომადგენელმა ელგუჯა ბაგრატიონმა.
v-if="article.gallery" v-html="article.gallery"
