გიორგი კირთაძე - „Говорит Москва" - ამ წარწერის გამო ბათუმში აქციის მონაწილეები დააკავეს
„Говорит Москва" - ამ წარწერის გამო, ბათუმში, აქციის მშვიდობიანი მოქალაქეები დააკავეს, - ეს განცხადება „ერთიანი ნაციონალური მოძრაობის” წევრმა გიორგი კირთაძემ „ინტერპრესნიუსთან” საუბრისას განაცხადა.
გიორგი კირთაძის თქმით, დაკავებულია ოთხი ახალგაზრდა, მათ შორის არასრულწლოვნებიც.
„მშვიდობიანი აქცია იყო, „Говорит Москва“ ეწერა ერთ-ერთს. მოვარდნენ პოლიციის მაღალჩინოსნები და აქცია დაარბიეს მონაწილეები დააკავეს. ჯამში 4 ადამიანია დაკავებული. ისინი არასრულწლოვნები არიან. პოლიციელები პლაკატებს უმოწმებდნენ. პლაკატი არ მოეწონათ და დაიჭირეს”,- განაცხადა გიორგი კირთაძემ.
როგორც კირთაძე ამბობს, მისთვის უცნობია სად იმყოფებიან ამ წუთებში დაკავებული პირები.
ამასთან, "ნაციონალური მოძრაობის" წევრის, მურმან დუმბაძის ინფორმაციით, დაკავებულია აქციის კიდევ ორი მონაწილე, მათ შორის, მირდატ ქამადაძეც.
v-if="article.gallery" v-html="article.gallery"
