გიორგი ბოტკოველი - "რუსული ოცნება“ მხოლოდ ერთ რამეშია მიზანდასახული -  თავიდან ბოლომდე დაემსგავსოს რუსეთის ფედერაციას

„ერთიანი ნაციონალური მოძრაობის“ რეგიონული მდივნის გიორგი ბოტკოველის შეფასებით, ბოლო დღეებში სამოქალაქო აქტივისტების დაკავებები ადასტურებს იმას, რომ ხელისუფლება რუსეთის მსგავსად, რეპრესიების გატარებას ცდილობს.

როგორც მან განაცხადა, „ქართული ოცნება“ ცდილობს, თავიდან ბოლომდე რუსეთის ფედერაციას დაემსგავსოს.

„რუსული ოცნება“ მხოლოდ ერთ რამეშია მიზანდასახული და მხოლოდ ერთი რამისკენ ისწრაფვის, თავიდან ბოლომდე დაემსგავსოს რუსეთის ფედერაციას და გაატაროს ყველა ის რეპრესიები, რასაც ამ წლების განმავლობაში ატარებდა და ატარებს პუტინი. სწორედ ამას ჰგავს ზუსტად გუშინ, გუშინწინ ადამიანების დაკავების პროცესი. ეს ყველაფერი თავიდან ბოლომდე პუტინის ქმედებებს ჰგავს, რომელითაც ბოლომდე მოსპეს რუსეთში, როგორც დემოკრატია, ისე სამოქალაქო საზოგადოება, ასევე არასამთავრობო სექტორი და საერთოდ, ყველაფერი, თუ რამე დემოკრატიული არსებობდა“, - განაცხადა გიორგი ბოტკოველმა.

ცნობისთვის, 2 ივნისს, პარლამენტის შენობის წინ მიმდინარე აქციაზე ადმინისტრაციული წესით შვიდი პირი დააკავეს. პარლამენტთან დააკავეს ასევე, ადვოკატი შოთა თუთბერიძე, ის მოგვიანებით, ხელწერილის საფუძველზე გაათავისუფლეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს