მიხეილ სააკაშვილი არის მსჯავრდებული კონკრეტულ დანაშაულებზე, სხვა მიმართულებითაც მიმდინარეობს გამოძიება, - ასე უპასუხა დედაქალაქის მერმა კახა კალაძემ ჟურნალისტის კითხვას, რომელიც მესამე პრეზიდენტის, მიხეილ სააკაშვილის 2024 წლის არჩევნებში შესაძლო მონაწილეობასა და „ნაციონალური მოძრაობის“ მიერ მის პრემიერ-მინისტრობის კანდიდატად დასახელებას შეეხებოდა.

კითხვაზე, უნდა დაუბრუნოს თუ არა, საქართველოს პრეზიდენტმა სალომე ზურაბიშვილმა სააკაშვილს მოქალაქეობა, კალაძე ასე პასუხობს:

„არ ვიცი, ვერ გეტყვით, ეს არ შედის ჩემ კომპეტენციაში. ერთი რამ შემიძლია გითხრათ, რომ მიხეილ სააკაშვილი არის მსჯავრდებული კონკრეტულ დანაშაულებზე, სასჯელს იხდის. როგორც საუბრობენ, სხვა მიმართულებითაც მიმდინარეობს გამოძიება, ასე რომ, დაველოდოთ, ვერ გეტყვით, ეს მათი გადასაწყვეტია“, - განაცხადა კალაძემ.