დავით ქართველიშვილი - უკრაინული მხარე აგრძელებს ქართულ პოლიტიკაზე თავის უხეშ მავნე ზემოქმედებით ჩარევას, რაშიც სანდო ინფორმაციით, სარგებლობს აშშ-ს პირდაპირი წაქეზებითა და მხარდაჭერით

„ხალხის ძალის“ წევრის, ანალიტიკოსი დავით ქართველიშვილის განცხადებით, უკრაინული მხარე ქართულ პოლიტიკაზე უხეშ ზემოქმედებას აგრძელებს. მისივე თქმით, აქვს სანდო ინფორმაცია, რომ უკრაინა ამას აშშ-ს დავალებით აკეთებს.

ქართველიშვილის თქმით, წარმოუდგენელია, რომ აშშ-ს ხელისუფლებამ, რომელიც უკრაინასა და მის მთავრობას სრულად აკონტროლებს, არ იცოდეს, თუ რას აპირებდა და აპირებს უკრაინა.

„ჩვენი ქვეყნის „მეგობარ“ და „პარტნიორ“ უკრაინას საქართველოს ხელისუფლების „აყირავების“ ოპერაციაში თავისი საპატიო ადგილი წლებია უკავია. უკრაინული მხარის სადაზვერვო მიმართულება საქართველოში კვლავინდებურად ემსახურება ერთ ძირითად მიზანს - ეს არის მოვლენათა პროვოცირება საქართველოში მეორე ფრონტის გახსნის კუთხით, რაც უკანასკნელ პერიოდში შეძენილი შესაძლებლობების გათვალისწინებით, რეგიონში თურქეთ-აზერბაიჯანის გააქტიურებასა და სამხედრო კონფლიქტში მათ იძულებით ჩართვას გამოიწვევდა. გასაგებია, რომ არც ეს გეგმები წარმოადგენენ უკრაინული ავტონომიური ფანტაზიის ნაყოფს და გამომდინარეობენ აშშ-ს ამჟამინდელი ადმინისტრაციის სტრატეგიული ხედვებიდან, სადაც მათი ინტერესი მხოლოდ საქართველოს კონფლიქტში ჩართვით არ შემოიფარგლება (აღნიშნული ბრალდება გააჟღერა კიდეც თურქეთის პრეზიდენტმა რეჯეფ თაიპ ერდოღანმაც).

ბოლო პერიოდში ღია წყაროებში გაჟონილი და გავრცელებული 700 000 ათასი საიდუმლო დოკუმენტიდან, ჩვენთვის ცნობილი ხდება, რომ აშშ სრულად აკონტროლებდა და აკონტროლებს უკრაინის სახელისუფლებო ვერტიკალს. იმის დაშვებაც კი, რომ მათ არ იცოდნენ და არ იციან, თუ რას აპირებს/აპირებდა უკრაინა, წარმოუდგენელი და არასერიოზულია. უკრაინული მხარე ქართულ პოლიტიკაზე თავის უხეშ, მავნე ზემოქმედებით ჩარევას აგრძელებს. სანდო ინფორმაციით, ეს აშშ-ს პირდაპირი წაქეზებითა და მხარდაჭერით ხდება.

ამ წლის მაისში, კობა ნაყოფიას მიერ მიხეილ სააკაშვილისთვის გაგზავნილი წერილიდან ვიგებთ, რომ უკრაინის ხელისუფლება საქართველოში მთავარ პარტნიორად განიხილავს სწორედ „ნაცმოძრაობას“, კერძოდ: “პარტიის ირგვლივ სკანდალების გაგრძელების შემთხვევაში, უკრაინელები იფიქრებენ რომ სამომავლო პროცესებში “ენმ“ ვერ იქნება წამყვანი ძალა და შესაბამისად მათთვის სასურველი პარტნიორი“.

პროცესების კურატორებად კვლავ რჩება ერმაკ-არახამიას გუნდი, მიუხედავად იმისა, რომ საქართველოს თემებს მიღმა შიდა უკრაინულ პოლიტიკურ და ბიზნეს-ველებზე ერმაკსა და არახამიას შორის „წესების გარეშე ხელჩართული ბრძოლა “ მიმდინარეობს . ეს ორი ოდიოზური ფიგურა დაუფარავად ებრძვის ერთმანეთს - გასული წლის სექტემბერში თავისი ამერიკელი ბიზნეს-პარტნიორის, უკრაინული წარმოშობის კონგრესმენის ვიქტორია სპარცის მეშვეობით, არახამიამ საჯაროდ დაადანაშაულა ერმაკი რუსეთის სპეცსამსახურებთან თანამშრომლობაში”, - განაცხადა დავით ქართველიშვილმა.

მისივე თქმით, საქართველოს პრეზიდენტისაგან „მოსალოდნელ სიურპრიზად“ არა მიხეილ სააკაშვილის შეწყალებას, არამედ დავით არახამიასთვის საქართველოს მოქალაქეობის მოულოდნელ მინიჭებას უნდა ველოდოთ.

„მედიაში გაჟონა სკანდალურმა ინფორმაციამ მისი ქვანახშირის ბიზნესში მაქინაციების თაობაზე. ეს შიდა ბრძოლა დროებითი ზავით სრულდება ყოველ ჯერზე, სადაც საქართველოს წინააღმდეგ მათ ერთობლივი დავალება აქვთ შესასრულებელი.

„ენმ“-ს ზოგიერთ წრეებში აქტიურად განიხილება დავით არახამიას ქართულ პოლიტიკაში შემოყვანის საკითხიც, მასთან კონსულტაციები გაიარა ვანო მერაბიშვილმა, რომელსაც მისი ქართულ პოლიტიკაში ხილვის სურვილის გარდა, სურს კეზერაშვილის ნაცვლად სწორედ მას გადააბაროს ,,ენმ“-ს დაფინანსების საკითხიც (გაკეთდა მისი პრემიერ-მინისტრად წამოყენების შეთავაზება). ეს ინფორმაცია ერთის მხრივ, იქნებოდა აბსურდული, მაგრამ მეორეს მხრივ, დავით არახამიამ დაიწყო ქართული ენის ინტენსიური შესწავლა და შექმნა ქართულენოვანი „ფეისბუქ-პროფაილი“, რომლითაც პირდაპირ მიმართავს ქართველ ამომრჩეველს, რითაც პრაქტიკულად აკეთებს განაცხადს ქართულ პოლიტიკაში შემოსვლის თაობაზე.

რაც შეეხება საქართველოს პრეზიდენტისგან მოსალოდნელ სიურპრიზებს, შესაძლოა ამას არა იმდენად სააკაშვილის შეწყალების, არამედ არახამიასთვის საქართველოს მოქალაქეობის მოულოდნელი მინიჭების კუთხით ველოდოთ.

ყველა არსებული ინფორმაციით, აშშ გეგმავდა და გეგმავს საქართველოზე ზემოქმედებას უკრაინის გავლით, რისკენაც პრეზიდენტ ზელენსკის უბიძგებენ უკრაინის საკითხებში ამერიკელი კურატორები”, - აღნიშნა დავით ქართველიშვილმა.

აღნიშნულ განცხადებას „ხალხის ძალა" ავრცელებს.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო