ანა წითლიძე - „ქართულმა ოცნებამ“ დეოლიგარქიზაციის შესახებ კანონთან დაკავშირებით რაც ჩაიდინა, ევროკავშირის კანდიდატის სტატუსის კიდევ ერთი საბოტაჟი იყო

გუშინ, „ქართულმა ოცნებამ“ დეოლიგარქიზაციის შესახებ კანონთან დაკავშირებით რაც ჩაიდინა, ევროკავშირის კანდიდატის სტატუსის კიდევ ერთი საბოტაჟი იყო, - ამის შესახებ „ერთიანი ნაციონალური მოძრაობის” წევრმა, ანა წითლიძემ განაცხადა.

დეპუტატის თქმით, „ქართულ ოცნებას“ ვენეციის კომისიამ უთხრა, რომ დეოლიგარქიზაციის შესახებ კანონის ამ ფორმით მიღება რეპრესიული იქნებოდა და ამიტომ არ უნდა მიეღო.

„ქართულმა ოცნებამ” გუშინ, როდესაც სხდომა დასრულებული იყო, ოპოზიცია პარლამენტში არ იმყოფებოდა, დეოლიგარქიზაციის შესახებ კანონი მიიღო. “ქართული ოცნების” გუშინდელი საქციელი კიდევ ერთხელ მიუთითებს იმას, რომ 12 პუნქტიან ვალდებულებას არ შეასრულებს.

როდესაც ჩვენი საერთაშორისო პარტნიორები ეუბნებოდნენ, რომ ამ კანონის მიღება არ შეიძლება და ვენეციის კომისიიდან კატეგორიული უარი იყო, ამით “ქართულმა ოცნებამ” კანდიდატის სტატუსის მისაღებად კიდევ ერთი საბოტაჟი განახორციელა, ეს მაშინ, როდესაც ჩვენ ყველაფერს უნდა ვაკეთებდეთ და რამდენიმე თვე არის დარჩენილი იმისთვის, რომ გავიგოთ პასუხი. „ქართული ოცნების“ მმართველობის პირობებში რეკომენდაციები არ შესრულდება და მეორე, რასაც აკეთებს ხელისუფლება ეს არის საბოტაჟი კანდიდატის სტატუსის მისაღებად“, - განაცხადა ანა წითლიძემ.

ცნობისთვის, პარლამენტმა გუშინდელი პლენარული სხდომის ბოლო საკითხად “დეოლიგარქიზაციის შესახებ“ კანონის პროექტი განიხილა და 81 - მომხრე, 2 - წინააღმდეგი, მეორე მოსმენით მიიღო.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად