უკრაინის თავდაცვის მინისტრი - რუსულმა ძალებმა, გასული კვირის განმავლობაში, მნიშვნელოვანი დანაკარგები განიცადეს, კერძოდ, რუსების 4 600-ზე მეტი ჯარისკაცია ლიკვიდირებული და დაჭრილი

რუსულმა ძალებმა, გასული კვირის განმავლობაში, მნიშვნელოვანი დანაკარგები განიცადეს, კერძოდ, რუსების 4 600-ზე მეტი ჯარისკაცი დაიღუპა და დაიჭრა, - ამის შესახებ უკრაინის თავდაცვის მინისტრის მოადგილემა, ანა მალიარმა განაცხადა.

ამასთან, მისი თქმით, უკრაინელებმა მოწინააღმდეგის 80-ზე მეტი ჯარისკაცი ტყვედ აიყვანეს.

რაც შეეხება უკრაინაში შეჭრის დღიდან რუსების საერთო დანაკარგებს, უკრაინის შეიარაღებული ძალების გენერალური შტაბის ცნობით, რუსებმა ომში 220 450 ჯარისკაცი, 3 989 ტანკი, 7 735 ჯავშანტექნიკა, 3 865 ერთეული საარტილერიო სისტემა, 314 საბრძოლო თვითმფრინავი და 305 ვერტმფრენი, 6 613 ავტომობილი და საწვავის ავზი, 18 გემი/ნავი, 3 383 უპილოტო საფრენი აპარატი, 526 ერთეული სპეცტექნიკა და 1 211 ფრთოსანი რაკეტა დაკარგეს.