გიორგი ბოტკოველი - მიუხედავად იმისა, რომ ივანიშვილის „რუსული ოცნება“ ყველანაირად საბოტაჟირებს კანდიდატის სტატუსს, ჩვენ ყველაფერი უნდა გავაკეთოთ მის მისაღებად

მიუხედავად იმისა, რომ ივანიშვილის „რუსული ოცნება“ ყველანაირად საბოტაჟირებს კანდიდატის სტატუსს, ჩვენ ყველაფერი უნდა გავაკეთოთ მის მისაღებად, რადგან ეს ჩვენი ქვეყნის მომავალს სჭირდება, - ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა.

მისი შეფასებით, „რუსული ოცნების“ ხელისუფლებაში ყოფნამ საქართველოს კანდიდატის სტატუსის მიღებაში ხელი არ უნდა შეუშალოს.

„მიუხედავად იმისა, რომ საქართველოს ივანიშვილის ხელმძღვანელობით პრორუსული ხელისუფლება ჰყავს, ისინი ყველაფერს აკეთებენ, რომ არ შესრულდეს 12 - პუნქტიანი გეგმა და ყველა ნაბიჯი იყოს მიმართული ევროპის საწინააღმდეგოდ, დაწყებული ევროპარლამენტარების და ყველას ლანძღვით, ჩვენ, როგორც პასუხისმგებლობიანმა ოპოზიციამ ყველაფერი უნდა გავაკეთოთ და ყველა მოლოდინი უნდა გვქონდეს იმის, რომ ქვეყანამ ევროპული სტატუსი მიიღოს, რადგან ეს ჩვენი ქვეყნის განვითარებას, ჩვენი ქვეყნის მომავალს სჭირდება. ის, რომ დღეს „რუსული ოცნებაა“ ხელისუფლებაში, ამან არანაირად არ უნდა შეგვიშალოს ხელი კანდიდატის სტატუსის მიღებაში. ჩვენი ქმედება უნდა იყოს მიმართული იმისკენ, რომ ნებისმიერი კონტაქტებით, ჩვენი ურთიერთობებით უცხოელ პარტნიორებთან, ყველა იმ სახელმწიფოსთან, რომელიც უშუალოდ ლობისტი უნდა იყოს ჩვენი სახელმწიფოსი, გავხდეთ ევროკავშირის სრულუფლებიანი წევრი და კანდიდატის სტატუსი მივიღოთ. რა თქმა უნდა, მოლოდინი მაქვს, რომ ევროპა ყველაფერს გააკეთებს, რომ საქართველო ევროკავშირის წევრი გახდეს“,- განაცხადა გიორგი ბოტკოველმა.