„ლელო საქართველოსთვის“ ერთ-ერთი ლიდერის ბადრი ჯაფარიძის განცხადებით, საქართველოს მესამე პრეზიდენტის მიხეილ სააკაშვილის განცხადება პოლიტიკაში დაბრუნებაზე წინააღმდეგობაშია იმ განცხადებებთან, რაც მისი ჯანმრთელობის მდგომარეობის შესახებ ისმოდა.

ამის შესახებ ჯაფარიძე სოციალურ ქსელში წერს.

„მიხეილ სააკაშვილის განცხადება პოლიტიკაში დაბრუნების შესახებ წინააღმდეგობაში მოდის იმ განცხადებებთან, რომლებიც მის ჯანმრთელობასთან მიმართებით გვესმოდა. ასეთი ჯანმრთელობის მდგომარეობის მქონე ადამიანის პოლიტიკაში აქტიურობა გამორიცხულია”, - წერს ჯაფარიძე.