CNN - აშშ-ს ევგენი პრიგოჟინის ამბოხების გეგმის შესახებ ინფორმაცია ჰქონდა, მაგრამ საიდუმლოდ შეინახა

აშშ-ის დაზვერვის სამსახურების წარმომადგენლებმა „ვაგნერის“ ხელმძღვანელის, ევგენი პრიგოჟინის გეგმების შესახებ ძალიან დეტალური და ზუსტი ინფორმაციის შეგროვება შეძლეს, მათ შორის იცოდნენ ისიც, თუ სად და როგორ აპირებდა „ვაგნერი“ წინსვლას, - ინფორმაციას CNN-ი რამდენიმე წყაროზე დაყრდნობით ავრცელებს.

მათი განცხადებით, შეერთებულმა შტატებმა ინფორმაცია ნატო-ს მხოლოდ რამდენიმე მოკავშირეს, მათ შორის ბრიტანელ მაღალჩინოსნებს გაუზიარა.

ამასთან, შეერთებულ შტატებში დაზუსტებით არ იცოდნენ, როდის იმოქმედებდა პრიგოჟინი.

გარდა ამისა, CNN-ის ცნობით, ინფორმაცია იმდენად საიდუმლო იყო, რომ შეერთებულ შტატებში ის გაანდეს მხოლოდ ადმინისტრაციის მაღალჩინოსნებს, ისევე როგორც კონგრესის რვა წევრს, რომლებსაც ყველაზე მგრძნობიარე დაზვერვის საკითხებზე აქვთ წვდომა.