აბსოლუტურად უსაფუძვლოა ოპოზიციის მოსაზრებები, რომ სანქციების საკითხებში აშშ-ის, ევროკავშირისა და გაერთიანებული სამეფოს წარმომადგენლების ვიზიტი საქართველოში გაფრთხილებაა, ან უკანასკნელი გაფრთხილება, - ამის შესახებ პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძემ ჟურნალისტებთან განაცხადა.
როგორც სარჯველაძემ აღნიშნა, მათი საქართველოში ვიზიტი თანამშრომლობის დემონსტრირებაა.
„საზოგადოდ, ასეთი ვიზიტები მნიშვნელოვანია იმ ფონზე, როდესაც მთელ მსოფლიოში განსაკუთრებული ინტერესი დაკავშირებულია სანქციების აღსრულებასთან. ის ადამიანები, ვინც ყველაზე მეტად არიან ინფორმირებულები სანქციების სისტემის თაობაზე, პირადად დარწმუნდებიან, რომ დღეს საქართველოს მიმართ ობიექტურად კრიტიკული მოსაზრებების დაფიქსირებისთვის მიზეზი არ არსებობს. არამც და არამც არ შემიძლია დავეთანხმო ოპოზიციის იმ მოსაზრებას, რომ თითქოს ეს არის არამც თუ ბოლო, არამედ საერთოდ გაფრთხილება. მგონია, რომ ეს არის პირველ რიგში, თანამშრომლობის დემონსტრირებაა, აბსოლუტურად უსაფუძვლოა ოპოზიციის მოსაზრებები, რომ თითქოს, ეს არის გაფრთხილება, ან უკანასკნელი გაფრთხილება“, - აღნიშნა სარჯველაძემ.
ცნობისთვის, აშშ-ის სახელმწიფო დეპარტამენტის სანქციების კოორდინაციის ოფისის ხელმძღვანელი ელჩი ჯეიმს ო’ბრაიენი, სანქციების საკითხებში ევროკავშირის სპეციალური წარმომადგენელი დევიდ ო’სალივანი და გაერთიანებული სამეფოს საგარეო, თანამეგობრობისა და განვითარების ოფისის გენერალური დირექტორი ეკონომიკის, მეცნიერებისა და ტექნოლოგიების სფეროში, კუმარ აიერი საქართველოში შეხვედრებს მმართავენ.