საქართველო საერთაშორისო ინვესტორების თვალში კიდევ უფრო მიმზიდველი გახდა, რაც ბოლო წლებში გატარებული არაერთი მნიშვნელოვანი რეფორმის შედეგია. უახლესი კვლევები მეტყველებს, რომ საქართველოში ბიზნესის და საინვესტიციო გარემო ჯანსაღია და რეგიონის სხვა ქვეყნებთან შედარებით, უკეთესი პოზიცია უკავია. „აპარტ ჯგუფში“, რომელიც ყველაზე გამორჩეული პრემიუმ კლასის საცხოვრებელ კომპლექსებს ქმნის, ამბობენ, რომ მხოლოდ მათ მიერ მოზიდული ინვესტიციები მეტყველებს იმაზე, რომ ინვესტორები სწორად აფასებენ საქართველოს შესაძლებლობებს, ღია და თავისუფალ სავაჭრო რესურსებს, ტურისტულ პოტენციალს და სხვა მნიშვნელოვან ფაქტორებს.

ვესაუბრეთ ჰოლდინგის დამუძნებელს, ბექა ხოფერიას, რომელმაც გაგვიზიარა მიმდინარე სიახლეები და გეგმები კომპანიასთან დაკავშირებით.

"ჩვენი პროექტები თავდაპირველად იქმნება ქართველი მოსახლეობისათვის, თუმცა მისი უნიკალური მდებარეობა და ბიზნეს პოტენციალი საინტერესოა უცხოელი ინვესტორებისათვის. სწორედ ამიტომ ჩვენ შევქმენით დისტანციური მომსახურების მოდელი, რომელიც განსაკუთრებით კოვიდ-პანდემიის პერიოდში დაგვეხმარა. ინვესტორები, ვინც საქართველოს სწორ საინვესტიციო პლატფორმად თვლიდნენ, გვიკავშირდებოდნენ. ჩვენ კი მათ დისტანციურად ვეხმარებოდით არა მხოლოდ ბინის არჩევაში, არამედ ფინანსურ ინსტიტუტებთან (ბანკებთან) ურთიერთობაში, იურიდიული თუ საემიგრაციო საკითხების მოგვარებაში, შემდეგ კი გაქირავების მომსახურებაშიც, ისე რომ მათ არც დასჭირვებიათ საქართველოში ჩამოსვლა, რომ მათ მიერ განხორციელებული ინვესტიციიდან მალევე მიეღოთ შემოსავალი," - აღნიშნავს დამფუძნებელი.

"აპარტ ჯგუფი“, მილიონობით ინვესტიციითა და საერთაშორისოდ აღიარებული პროექტებით, საქართველოს უძრავი ქონების სექტორში ახალ სტანდარტებს ქმნის.

კომპანიამ, რომლის მთავარი ნიშა ძველი თბილისის რეაბილიტაცია იყო, უკვე განახორციელა ისეთი წარმატებული პროექტები, როგორიცაა "ოლდ სითი პანორამა", "ეზო", "თაღი", "კრწანისის მარგალიტი". კომპანიის თითოეული მიმდინარე თუ სამომავლო პროექტი დახვეწილი ექსტერიერით, ეფექტური შიდა დაგეგმარებით და გამორჩეული ლოკაციით, მომხმარებლის კომფორტზეა გათვლილი. სამშენებლო ობიექტები კონსტრუქციული და სეისმური მდგრადობით გამოირჩევა. თბილისის პარალელურად, "აპარტ ჯგუფი“ მასშტაბური პროექტის განხორციელებას ახლა უკვე ბათუმშიც იწყებს, რომელიც უდიდეს საინვესტიციო პოტენციალს ქმნის.

"ახლა ვიწყებთ მუშაობს თბილისის გარეთ, ბათუმში ძალიან მასშტაბურ პროექტზე, რომელიც ასევე მრავალმილიონიან ინვესტიციას გულისხმობს როგორც სასტარტო ეტაპზე, ასევე შემდგომ, გაყიდვების მეშვეობით შემოსულ ინვესტიციებზე საქართველოში. ბათუმის პროექტი იქნება ერთ-ერთი ყველაზე მასშტაბური, რაც კი აქამდე გაგვიკეთებია, რომელსაც მოჰყვება საბურთალოზე ასევე ძალიან ამბიციური და ექსკლუზიური პროექტი. ვფიქრობ და ვიმედოვნებ, რომ ყოველი მომდევნო წელი, ისევე როგორც ჩვენი კომპანიისთვის, ჩვენი ქვეყნისთვისაც განვითარების და წარმატების მომტანი იქნება," - აღნიშნავს ხოფერია.

"აპარტ ჯგუფი" წარმომადგენლობით ოფისებს ქვეყნის გარეთაც ხსნის, რაც კომპანიის მუშაობის არეალს კიდევ უფრო აფართოებს.

"აპარტ ჯგუფის" პარტნიორები არიან ისრაელიდან, დუბაიდან, შვედეთიდან, შვეიცარიიდან, ამერიკის შეერთებული შტატებიდან, მათ შორის, საერთაშორისო ფონდებიც. მათ მიერ საქართველოში განხორციელებული ინვესტიციები კი რამდენიმე ათობით მილიონს შეადგენს.

ჰოლდინგური ტიპის კომპანია "აპარტ ჯგუფი" მეექვსე წელია, ბაზარზეა. ჯგუფში შემავალი კომპანიების მიმართულებები შემდეგნაირად ნაწილდება: დეველოპერულ პროექტებს "აპარტ დეველოპმენტის" გუნდი უძღვება, სამშენებლო სფეროს "აპარტ ქონსთრაქშენი", არქიტექტურული და საპროექტო მიმართულებით "აპარტ არქიტექტი’’ მუშაობს, ხოლო დიზაინისა და რემონტების ეტაპს "აპარტ შოურუმი" ახორციელებს.

(R)