თამარ კორძაია -  „ქართული ოცნება“ მზად არის, ქვეყანაში სამოქალაქო დაპირისპირება დაიწყოს - ერთ-ერთ მომენტში ის მხარდამჭერებს ვერ გააკონტროლებს

„ქართული ოცნება” არის მოძალადე ხელისუფლება, ოღონდ ამოფარებულია რიგით მოქალაქეებს, მათ მხარდამჭერებს, რომლებიც უკვე ქუჩაში აღარ ერიდებიან დაპირისპირებას, - ამის შესახებ ოპოზიციონერმა დეპუტატმა, თამარ კორძაიამ „პალიტრანიუსის“ გადაცემა „პოლიტიკურ სივრცეში“ განაცხადა.

თამარ კორძაიას მოსაზრებით, მოქალაქეების ერთმანეთთან დაპირისპირება შეიძლება ერთ მომენტში სამოქალაქო დაპირისპირებამდე მივიდეს.

„ქართული ოცნება“ მოქალაქეებს აპირისპირებს ერთმანეთს და განსაკუთრებით ბოლო პერიოდში, ის გადის სამოქალაქო დაპირისპირების ზღვარზე. „ქართული ოცნება“ მზად არის, რომ ქვეყანაში დაიწყოს სამოქალაქო დაპირისპირება და ერთ-ერთ მომენტში ის ვერ გააკონტროლებს მის მხარდამჭერებს. ეს ძალადობა მისგანაა ლეგიტიმირებული. მოძალადეებს გამოუშვებს, მერე ეუბნება გაჩერდით, რაღაც მომენტში ვერ გააკონტროლებს იმიტომ, რომ გასცდა ეს ძალადობა მხოლოდ ცნობადი სახეების მიმართ ძალადობას. „ნაციონალური მოძრაობის“ სამეურნეო საქმეების უფროსი ასე სასტიკად სცემეს. ვის უშლიდა ხელს? ცნობადი სახე იყო, ტელევიზორში გამოდიოდა, რამეს ლაპარაკობდა თუ რა? „ქართული ოცნება“ გაცილებით უფრო მეტ რისკზე მიდის ქვეყნის გახლეჩის თვალსაზრისით.

პოლიტიკოსები რას აკეთებენ პარლამენტში?! ისინი პოლიტიკური სიტყვის თავისუფლებით შებურვით აქეზებენ ძალადობას. მაგრამ როდესაც მათ მიმართ გამოიყენება პოლიტიკური სიტყვის გამოხატვის თავისუფლება, მაგალითად, „რუსები“, „რუსული წესები“, ეს იმდენად არ მოსწონთ, რომ მზად არიან ისეთი აბსურდული წინადადებები შემოიტანონ, რომ აიკრძალოს ოპოზიციისთვის სიტყვა რუსების გამოყენება. წარმოიდგინეთ, ჩემი კოლეგაა, პარლამენტში ზის, მანდატი აქვს და ამას სესიაზე ლაპარაკობს, ეს ხომ იმას ნიშნავს მისი დამოკიდებულება როგორია, ამას ახმოვანებს“, - განაცხადა თამარ კორძაიამ.

ვიტალი ბალა - რუსეთი სულაც არ არის დაუმარცხებელი და ისეთი საშიში, როგორც აქამდე ამერიკელებს და ევროპელების ნაწილს ეგონა
ისრაელის ელჩი - ჩვენი სტრატეგიაა, რომ „ჰამასმა“ ვეღარ გააკონტროლოს ღაზას სექტორი, რადგან ეს იმის გამეორებას გამოიწვევს, რაც უკვე გვინახავს - სამწუხაროდ, გაერო თანამშრომლობს „ჰამასთან“, Amnesty International-ი, Human Rights Watch-ი მუშაობს „ჰამასის“ სასარგებლოდ
ქართული პრესის მიმოხილვა 02.06.2025
კომპანია PSP ევროკავშირი-საქართველოს ბიზნეს საბჭოს (EUGBC) წევრი გახდა
სილქნეტი: „დაჭრილ მებრძოლთა თანადგომის ფონდმა“ წლის დასაწყისიდან 48 ბენეფიციარს დახმარება გაუწია
„ვისოლ ჯგუფმა“ ერთ დღეში თბილისში 4 ამერიკული რესტორანი გახსნა
„საქკაბელის“ ციფრული ტრანსფორმაცია: ERP სისტემის დანერგვა BDO Digital-თან ერთად
„ერთად მეტი შეგვიძლია“ – „მაკდონალდს საქართველო“ McHappy Day-ს საქველმოქმედო კამპანიას იწყებს
„დომინოს“ 10 წლის იუბილე – გაარემონტე ერთი ამოსუნთქვით
BESPOKE AI WindFree™ - ჭკვიანი კონდიციონერები ინოვაციური გაგრილებით