არმაზ ახვლედიანი - ბატონო პრემიერო, ძალიან მინდოდა, ტრიბუნასთან რომ დადექით, მაგალითი გეჩვენებინათ, როგორ შეიძლება ამ წინააღმდეგობის მიუხედავად მაინც გამოინახოს კომპრომისები, თუნდაც როგორც თქვენ ამბობთ, ასეთ ოპოზიციასთან

ბატონო პრემიერო, ძალიან მინდოდა, ტრიბუნასთან რომ დადექით, მაგალითი გეჩვენებინათ, როგორ შეიძლება ამ წინააღმდეგობის მიუხედავად მაინც გამოინახოს კომპრომისები, თუნდაც როგორც თქვენ ამბობთ, ასეთ ოპოზიციასთან - თუ ეს ვერ ხერხდება, ნიშნავს იმას, რომ ჩვენ ვუახლოვდებით ამ უფსკრულს, - ამის შესახებ დამოუკიდებელმა დეპუტატმა არმაზ ახვლედიანმა პარლამენტის პლენარულ სხდომაზე, პრემიერ-მინისტრის ყოველწლიური ანგარიშის წარდგენისას განაცხადა.

მისი თქმით, თუ პარლამენტშიც ვერ პოულობენ საერთო ენას, უფსკრული გარდაუვალია.

„თუ ვინმე ისტორიკოსი არის ჩვენს შორის, ან ვინც გვისმენს მათ შორის, შეიძლება დასვას კითხვა - საქართველოში ბოლო ათწლეულების კი არა, საუკუნეების განმავლობაშიც რომ ყოფილა ასეთი დაპირისპირება, ერთმანეთის მიუღებლობა, რას განუმუხტავს ამ დროს ვითარება? რამ შეიძლება განმუხტოს ვითარება ახლა? ჩვენს თავთან მარტო თუ დავრჩებით და საკუთარ თავს ამ კითხვას დავუსვამთ, შეიძლება აღმოვაჩინოთ, რომ ამ დაპირისპირებით და მთავარ საკითხზე ვერ შეთანხმებით, უფსკრულის პირას მყოფ საქართველოს გადავჩეხავთ უფსკრულში. ვინ აიღებს ამაზე პასუხისმგებლობას? - მინდა, ეს კითხვა ჩემს თავს დავუსვა.

ამას ახლა იმიტომ ვამბობ, ბატონო პრემიერო, რომ ძალიან მინდოდა, ტრიბუნასთან რომ დადექით, მაგალითი გეჩვენებინათ, როგორ შეიძლება ამ წინააღმდეგობის მიუხედავად მაინც გამოინახოს კომპრომისები, თუნდაც როგორც თქვენ ამბობთ, ასეთ ოპოზიციასთან. თუ ეს ვერ ხერხდება, ნიშნავს იმას, რომ ჩვენ ვუახლოვდებით ამ უფსკრულს.

თუ ვერ ხერხდება, რომ კულტურის სფეროს თანამშრომლებთან გამოინახოს საერთო ენა მინისტრის მიერ, რა თქმა უნდა, ეს უფსკრულს გვაახლოებს; ასევე, თუ ხელისუფლება სტუდენტებთან საერთო ენას ვერ გამონახავს, უფსკრული ძალიან ახლოსაა. ყველა სფეროს თავი რომ დავანებოთ, აქ თუ ვერ ვპოულობთ საერთო ენას და თქვენ თუ ვერ ახერხებთ დემონსტრირებას, ოდნავ მაინც შემრიგებლური პოზიციებიდან, მაშინ უფსკრული ნამდვილად გარდაუვალია“,- განაცხადა არმაზ ახვლედიანმა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა