დავით უსუფაშვილი - საქართველოს ელჩი უკრაინიდან გამოძევებული არ არის - საქმე აქამდე არ მისულა და იმედი მაქვს, არ მივა

საქართველოს ხელისუფლებამ ყველა შესაძლო ზომა უნდა მიიღოს იმისთვის, რომ მიხეილ სააკაშვილის პატიმრობა ქვეყნისთვის დაბრკოლება არ იყოს, - ამის შესახებ ჟურნალისტებს პოლიტიკური ჯგუფის „ლელოს“ ხელმძღვანელმა დავით უსუფაშვილმა განუცხადა.

როგორც ამ კონტექსტში უსუფაშვილმა აღნიშნა, სააკაშვილთან როგორც პატიმართან ურთიერთობაში საერთაშორისო სტანდარტებია გასაზიარებელი და გასათვალისწინებელი.

მისივე თქმით, საქართველოსა და უკრაინას შორის ინტენსიური დიალოგი უნდა გაიმართოს იმისთვის, რომ ურთიერთობების კიდევ უფრო გაუარესება თავიდან იყოს აცილებული.

„საქართველოს ელჩი უკრაინიდან გამოძევებული არ არის - საქმე აქამდე არ მისულა და იმედი მაქვს, არ მივა. კი, დიპლომატიის პრაქტიკაში ეს არის არაორდინალური სვლა, თუმცა ელჩი გამოძევებული არ არის და დარწმუნებული ვარ, რომ არც გამოძევდება.

ზოგადად დაუშვებელია, რომ საქართველოსა და უკრაინას შორის ასეთი დაძაბული ურთიერთობა იყოს. „ქართული ოცნება“ მოქცეულია იმ რაღაც გაუგებარ პოლიტიკურ ველზე, სადაც ნომერ პირველ პარტნიორთან მტრად არის მოკიდებული - რის გამო? იმის გამო, რომ უკრაინელები ამბობენ, გადმოგვეცით ჩვენი მოქალაქე, რომელიც მანდ ციხეში გიზით და ასე შემდეგ“, - განაცხადა დავით უსუფაშვილმა.

როგორც ცნობილია, უკრაინის პრეზიდენტმა ვოლოდიმირ ზელენსკიმ საგარეო უწყებას დაავალა, მიხეილ სააკაშვილის მდგომარეობის გამო საქართველოს ელჩი უკრაინაში დაიბაროს, გამოუცხადონ მკაცრი პროტესტი და 48 საათში ქვეყნის დატოვება შესთავაზონ, რათა ოფიციალურ თბილისთან სააკაშვილის საკითხზე, კონსულტაციები გამართოს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია