პარლამენტის სამი კომიტეტის სხდომა, სადაც სახელმწიფო უსაფრთხოების სამსახურის უფროსის მოადგილემ დეპუტატებს ყოველწლიური ანგარიში გააცნო, დახურულ რეჟიმში მიმდინარეობს

პარლამენტის სამი კომიტეტის სხდომა, სადაც სახელმწიფო უსაფრთხოების სამსახურის უფროსის მოადგილემ დეპუტატებს ყოველწლიური ანგარიში გააცნო, კითხვა-პასუხის ნაწილში დაიხურა.

საჯარო მხოლოდ ანგარიშის წარდგენა იყო. სხდომის დახურვის გადაწყვეტილებას ოპოზიცია არ დაეთანხმა.

მათ თავდაცვისა და უშიშროების კომიტეტის ხელმძღვანელს ირაკლი ბერაიას შესთავაზეს, რომ კითხვების ნაწილი ყოფილიყო ღია და დახურულიყო პასუხების ის ნაწილი, რომელიც სენსიტიური ინფორმაციის შემცველი იქნებოდა.

ბერაიამ მათ პასუხად განმარტა, რომ თავად კითხვები შეიძლება იყოს ისეთი ინფორმაციისა და მინიშნებების შემცველი, რისი გასაჯაროებაც მიზანშეწონილი არ არის.

სახელმწიფო უსაფრთხოების სამსახურის 2022 წლის საქმიანობის ანგარიშს, რომელიც კანონმდებლებს აპრილის თვეში წარედგინა, პარლამენტის სამი კომიტეტის - თავდაცვისა და უშიშროების, იურიდიულ საკითხთა და ადამიანის უფლებათა დაცვის კომიტეტების ერთობლივ სხდომაზე განიხილავენ.

მომხსენებელი სახელმწიფო უსაფრთხოების სამსახურის უფროსის პირველი მოადგილე ალექსი ბატიაშვილია.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო