დავით გაბაიძე - ბრიუსელში, ევროპარლამენტარებთან გამართულ შეხვედრებზე, ევროსტრუქტურების მხრიდან საქართველოს მხარდაჭერის საკითხებზე ვიმსჯელეთ
აჭარის უმაღლესი საბჭოს თავმჯდომარე დავით გაბაიძე, ბრიუსელში ვიზიტის ფარგლებში, ევროპარლამენტარ ლუკას მანდლის, ევროპის რეგიონთა კომიტეტის (COR) ვიცე-პრეზიდენტს, აპოსტოლოს ციციკოსტასს, ევროპის რეგიონთა კომიტეტის (COR) გენერალურ მდივანს, პეტრე ბლიზკოვსკისა და ავსტრიის ელჩს ევროკავშირში, ნიკოლაუს მარჩიკს შევხდა.
ინფორმაციას აჭარის ავტონომიური რესპუბლიკის უმაღლესი საბჭო ავრცელებს.
მათივე ცნობით, შეხვედრებზე ყურადღება საქართველოს ევროინტეგრაციის საკითხებსა და კანდიდატი ქვეყნის სტატუსის მინიჭების პროცესში ევროსტრუქტურების მხრიდან მხარდაჭერის მნიშვნელობაზე გამახვილდა. საუბარი შეეხო ამ მიმართულებით რეგიონების ჩართულობასა და მათ როლს.
„ბრიუსელში, ევროპარლამენტარებთან გამართულ შეხვედრებზე, ევროსტრუქტურების მხრიდან საქართველოს მხარდაჭერის საკითხებზე ვიმსჯელეთ“, - განაცხადა დავით გაბაიძემ.
„ვიზიტის ფარგლებში, აჭარის საკანონმდებლო ორგანოს ხელმძღვანელი, ასევე ბიუჯეტისა და ადმინისტრაციის საკითხებში ევროკომისარ იოჰანეს ჰანს შეხვდა.
დავით გაბაიძე, ბრიუსელში, აჭარის დელეგაციასთან ერთად, ევროპის რეგიონთა ინსტიტუტის (IRE) ხელმძღვანელის, ფრანც შაუსბერგერის მიწვევით იმყოფებოდა,“ - აღნიშნულია ინფორმაციაში.
v-if="article.gallery" v-html="article.gallery"
