ანალენა ბერბოკი - ვლადიმერ პუტინთან მოლაპარაკებების გამართვის საშუალება არ არსებობს - პირადად მსურს, მოლაპარაკების გამართვა შესაძლებელი იყოს, მაგრამ სიმართლეს თვალი უნდა გავუსწოროთ

გერმანიის საგარეო საქმეთა მინისტრის ანალენა ბერბოკის განცხადებით, ამჟამად რუსეთის პრეზიდენტ ვლადიმერ პუტინთან მოლაპარაკებების გამართვის საშუალება არ არსებობს.

მისივე თქმით, მოლაპარაკების გამართვის სურვილი ნამდვილად არის, მაგრამ რუსეთი უკრაინაში სასტიკ აგრესიულ ომს განაგრძობს.

„მე პირადად მსურს, რომ მოლაპარაკების გამართვა შესაძლებელი იყოს, მაგრამ სიმართლეს თვალი უნდა გავუსწოროთ“, - განაცხადა ანალენა ბერბოკმა.

გერმანიის საგარეო უწყების ხელმძღვანელმა ასევე დასძინა, რომ უკრაინისთვის შეიარაღების მიწოდების პარალელურად, მისი უწყება ყველაფერს აკეთებს იმისთვის, რომ დიპლომატიური გზით შეწყვიტოს ეს სასტიკი შეტევები რუსეთის მხრიდან.