ვლადიმერ პუტინი ყირიმის ხიდზე - იმედი მაქვს, სამუშაოები შესაბამის რიტმში ჩატარდება

რუსეთის პრეზიდენტის, ვლადიმერ პუტინის განცხადებით, ყირიმის ხიდზე შექმნილი ვითარება გასაგებია და ყველამ იცის, თუ რა უნდა მოიმოქმედოს.

მისივე თქმით, ხიდის სარკინიგზო ნაწილი არის დაზიანებული და ის სთხოვს მოსახლეობას გადაადგილებისთვის ალტერნატიული მარშრუტები შეარჩიოს, მათ შორის „რუსეთის ახალი რეგიონების გავლით“.

"იმედი მაქვს, რომ სამუშაოები შესაბამის რიტმში ჩატარდება, და ჩვენთვის საჭირო შედეგს მოგვიტანს", - განაცხადა პუტინმა.

საგარეო საქმეთა სამინისტროს ოფიციალური წარმომადგენლის, მარია ზახაროვას თქმით კი, შეტევა ყირიმის ხიდზე უკრაინის ოფიციალური პირებისა და სამხედროების მიერ იქნა განხორციელებული, აშშ-სა და დიდი ბრიტანეთის სპეცსამსახურების დახმარებით.