გურამ მაჭარაშვილი - ცხადია, ამ ადამიანის მიზანი პოლონური წინდების რეკლამა არ იყო - სააკაშვილის ბიოლოგიური ნიმუშის წინდით გატანის განზრახვა გაყალბება იყო, რადგან იგივე ნიმუში ოფიციალურად გაჰქონდათ
ცხადია, ამ ადამიანის მიზანი პოლონური წინდების რეკლამა არ იყო - რა თქმა უნდა, სააკაშვილის ბიოლოგიური ნიმუშის წინდით გატანის განზრახვა გაყალბება იყო, რადგან იგივე ნიმუში ოფიციალურად გაჰქონდათ, - ამის შესახებ ჟურნალისტებს მმართველი უმრავლესობის დეპუტატმა გურამ მაჭარაშვილმა განუცხადა.
მაჭარაშვილის თქმით, „როდესაც საუბარია პატიმარ სააკაშვილის ნიმუშის წინდით გატანაზე, როდესაც ექიმი თავადაც აღიარებს, რომ დიახ, მას ეს ჩუმად გაჰქონდა და უნდოდა კვლევა თავის ლაბორატორიაში ჩაეტარებინა, ეს ყველაფერი გაყალბებას ემსახურებოდა“.
„შესაბამისი უწყების თანამშრომლებს მადლობა ეკუთვნით, რომ ეს ამაზრზენი ფაქტი აღმოაჩინეს. სხვა შემთხვევაში ხომ წარმოგიდგენიათ რა მოხდებოდა - ჩვენ ორ დღეში ვიხილავდით შეტყობინებას, რომ მსოფლიოს ყველაზე საუკეთესო კლინიკამ დაადგინა, რომ თურმე სააკაშვილი მოწამლულია! ამ დროს ბიოლოგიური ნიმუში პოლონელი ექიმის მიერ წინდით იყო გატანილი. რაც ეს ადამიანი აწამეს - საკუთარი ოჯახის წევრებმა ნაკლებკალორაჟიანი საკვები მიუტანეს, ექიმებს ნაწილ-ნაწილ ჩუმად გააქვთ მისი ნიმუშები, კიდევ კარგად არის, რასაც ვუყურებთ“, - განაცხადა გურამ მაჭარაშვილმა.
v-if="article.gallery" v-html="article.gallery"
