უკრაინის საქმეთა დროებითი რწმუნებულის განცხადებით, ვოლოდიმირ ზელენსკის მიხეილ სააკაშვილთან დაკავშირებით ჯერჯერობით არანაირი ინფორმაცია არ მიუღია
საქართველოში უკრაინის საქმეთა დროებითი რწმუნებულის, ოლექსანდრ შულგას განცხადებით, ქვეყნის პრეზიდენტ ვოლოდიმირ ზელენსკის საქართველოს მესამე პრეზიდენტ მიხეილ სააკაშვილთან დაკავშირებით ჯერჯერობით არანაირი ინფორმაცია არ მიუღია.
"[უკრაინის პრეზიდენტს] სააკაშვილთან დაკავშირებით ჯერჯერობით არანაირი ინფორმაცია არ მიუღია. ჩვენ ვიცით, რომ უკრაინაში საქართველოს ელჩი საქართველოში იმყოფება ანუ უკრაინაში არ დაბრუნებულა და ჯერჯერობით არანაირი ინფორმაცია არ გადაცემულა," - აღნიშნა ოლექსანდ შულგამ.
რაც შეეხება საქართველოში უკრაინის ელჩის დანიშვნის საკითხს, როგორც შულგამ აღნიშნა, ეს უკრაინის პრეზიდენტის პრეროგატივაა.
"ელჩის დანიშვნა ხდება უკრაინის პრეზიდენტის განკარგულების საფუძველზე. ეს არის მისი პრეროგატივა და როცა ჩვენ გავიგებთ, აუცილებლად გავავრცელებთ ამ ინფორმაციას," - აღნიშნა მან.
v-if="article.gallery" v-html="article.gallery"
