მივმართავ კეთილსინდისიერ პოლიციელებს, არ მიიღონ მონაწილეობა მოღალატეობრივ, დანაშაულებრივ ქმედებებში, წინააღმდეგ შემთხვევაში, მოუწევთ პასუხისგება, - ამის შესახებ „ერთიანი ნაციონალური მოძრაობის“ პოლიტსაბჭოს წევრმა, ლაშა ფარულავამ განაცხადა.

მისი თქმით, შინაგან საქმეთა სამინისტრო სისტემურ ძალადობას სჩადის.

„ბიძინა ივანიშვილის “რუსული პარტია” ქართულ პოლიციას ქვეყნის გარუსების კამპანიაში მთავარ ძალადობრივ ინსტრუმენტად იყენებს. ამის ნათელი დადასტურება არის ბათუმის პოლიციის უფროსის, ირაკლი დგებუაძის მხრიდან, ძალადობა ქვეყნის პატრიოტების წინააღმდეგ და ეს ადასტურებს იმას, რომ შინაგან საქმეთა სამინისტრო სისტემურ ძალადობას სჩადის. მივმართავ კეთილსინდისიერ პოლიციელებს, არ მიიღონ მონაწილეობა მოღალატეობრივ, დანაშაულებრივ, ქმედებებში, წინააღმდეგ შემთხვევაში, მათ მოუწევთ პასუხისგება, ქვეყნისა და მომავლის წინაშე“, - განაცხადა ლაშა ფარულავამ.

ლაშა ფარულავას აღნიშნულ კომენტარს „ნაციონალური მოძრაობა“ ავრცელებს.