სანდრო რაქვიაშვილი - სარჯველაძეს ჰგონია, შალვა პაპუაშვილთან ერთად ექსკავატორზე რომ ავმძვრალიყავით, ამით რამე უკეთეს ცოდნას მივიღებდით?!

სარჯველაძეს ჰგონია, ჩვენ მაგალითად, შალვა პაპუაშვილთან ერთად ექსკავატორზე რომ ავმძვრალიყავით, ამით რამე უკეთეს ცოდნას მივიღებდით?! - ასე ეხმიანება „გირჩის" დეპუტატი სანდრო რაქვიაშვილი ჟურნალისტებთან ადამიანის უფლებათა კომიტეტის თავმჯდომარის, მიხეილ სარჯველაძის განცხადებას, რომ ოპოზიცია, რომელიც შოვის ტრაგედიაზე ხმამაღლა საუბრობს, შოვში არ ყოფილა, სადაც შეიძლება კითხვებზე პასუხები მიეღო ან პირიქით, მეტი კითხვა გასჩენოდა.

რაქვიაშვილის თქმით, მათ "ქართული ოცნების" სპექტაკლში მონაწილეობა არ მიუღიათ და შოვში ჩასვლაზე არ უფიქრიათ.

„მგონი, არ ესმით, რა არის არის საგამოძიებო კომისია. საგამოძიებო კომისია არ გამოიძიებს ტექნიკურ ქმედებებს მაშველების, პილოტების და ა.შ. პროკურორები შეიძლება არ იყვნენ ადგილზე, მაგრამ გამოიძიონ მოწმეების (გამოკითხვის), დოკუმენტების გაცნობის შედეგად. საგამოძიებო კომისია სხვა რამით არის დაკავებული და უცნაურია, რომ პარლამენტარებმა ეს არ იციან.

ის, რომ "ქართული ოცნების" სპექტაკლში მონაწილეობას არ იღებდა ოპოზიციის ნაწილი (თუმცა, მგონი ვიღაცები იყვნენ იქ), ჩვენ არც კი გვიფიქრია იქ წასვლა, რადგან ცხადია, რომ იქ მაშველების საქმეა და მგონი, "ქართული ოცნების" ლიდერები ხელს უშლიდნენ პირიქით, თუ ეს განსაკუთრებული მიღწევაა, „ოქეი,"- განაცხადა რაქვიაშვილმა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა