თინა ბოკუჩავა - ევროკავშირს უნდა საქართველომ კანდიდატის სტატუსი მიიღოს, მაგრამ ეს ძალიან რთულია მაშინ, როდესაც 12 რეკომენდაციიდან მხოლოდ სამია შესრულებული - აი, ეს იყო პირდაპირი გზავნილი

ევროკავშირს უნდა საქართველომ კანდიდატის სტატუსი მიიღოს, მაგრამ ძალიან რთულია კანდიდატის სტატუსის მინიჭება მაშინ, როდესაც 12 რეკომენდაციიდან მხოლოდ სამია შესრულებული - აი, ეს იყო პირდაპირი გზავნილი! - ამის შესახებ ევროკავშირის უმაღლეს წარმომადგენელთან ჯოზეფ ბორელთან შეხვედრის შემდეგ ფრაქცია „ნაციონალური მოძრაობის“ თავმჯდომარემ თინა ბოკუჩავამ განაცხადა.

ბოკუჩავას ინფორმაციით, საუბარი იყო იმაზე, რომ საქართველოს საგარეო პოლიტიკა ევროკავშირის საგარეო პოლიტიკასთან თანხვედრაში არ არის.

ოპოზიციონერი დეპუტატის თქმით, დასახელდა ამის კონკრეტული მაგალითები, მათ შორის ფრენების აღდგენა რუსეთთან.

„ევროკავშირის წევრობის კანდიდატის სტატუსის მინიჭება დამსახურების მიხედვით ხდება. შეუძლებელია კანდიდატის სტატუსის მინიჭება იქ, სადაც ხელისუფლება რეკომენდაციებს მიზანმიმართულებად არ ასრულებს. საქართველოსთვის კანდიდატის სტატუსის მინიჭების საკითხის პროგნოზირება ძალიან რთულია. ჩემი აზრით, ეს არ არის მთავარი. მთავარია გზავნილები, რაც ჩვენ დღეს მოვისმინეთ - რომ ევროკავშირს უნდა საქართველოს კანდიდატის სტატუსი მისცეს, მაგრამ ხელისუფლების მოქმედებები სტატუსის მიღებას რეალურად შეუძლებელს ხდის მაშინ, როცა რეკომენდაციების არ სრულდება. ეს ის გზავნილია, რაც იკითხება იმ ძალიან მძიმე განცხადებებიდან, რომელიც ჩვენ მოვისმინეთ“, - განაცხადა თინა ბოკუჩავამ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი