თამარ კორძაია - როგორც ინფორმაცია მომაწოდეს, ბორელთან დახურული შეხვედრა კიდევ უფრო მძიმე იყო

როგორც ინფორმაცია მომაწოდეს, დახურული შეხვედრა კიდევ უფრო მძიმე იყო, - ამის შესახებ ოპოზიციონერმა დეპუტატმა, თამარ კორძაიამ „პალიტრანიუსის“ გადაცემა „360 გრადუსში“ ევროკავშირის ვიცე-პრეზიდენტის, ჯოზეფ ბორელის საქართველოში ვიზიტზე საუბრისას განაცხადა.

თამარ კორძაიას მტკიცებით, პრემიერ-მინისტრმა ირაკლი ღარიბაშვილმა ჯოზეფ ბორელთან ერთობლივ ბრიფინგზე უხერხული და დანაშაულებრივი განცხადებები გააკეთა.

„როდესაც შეკითხვა დასვეს იმასთან დაკავშირებით, ევროპა გვითრევს თუ არა კონფლიქტში, ბორელმა თქვა, რომ ეს არის პოლიტიკური ხმაური. ძალიან დიპლომატიური და მკაცრი ტექსტით გვიპასუხა. კიდევ თქვა, რომ ამ დეზინფორმაციის გავრცელება სნეულება არისო. ადამიანებს აავადებენ ყალბი ინფორმაციით. ეს არის სერიოზული პრობლემა, რომ მან პირდაპირ გვითხრა, ხელისუფლება ამას აკეთებს და პასუხად რა გასცა პრემიერმა ღარიბაშვილმა? მან ვითომ ვერ გაიგო რა უთხრეს და თქვა, რომ დეზინფორმაციულ კამპანიას ოპოზიცია რომ აკეთებს ამიტომ მიიღო ევროპარლამენტმა ის რეზოლუცია, რაც მიიღოო. ძალიან უხერხული იყო ასეთი ტიპის საუბარი. უხერხული კი არა, დანაშაულებრივი იყო პრემიერ-მინისტრის მხრიდან იმიტომ, რომ ძალიან კარგად იცის პრემიერმა რაზე ლაპარაკობს ბორელი“, - განაცხადა თამარ კორძაიამ.

თამარ კორძაიას თქმით, „ქართული ოცნება“ აპელირებს, რომ ასოცირების ხელშეკრულებით ნაკისრი ვალდებულებების შესრულების მხრივ საქართველო უფრო წინაა, ვიდრე მოლდოვა და უკრაინა, თუმცა საქართველოს კანდიდატის სტატუსის მისაღებად დამატებით თავისი 12 პუნქტი აქვს შესასრულებელი.

„როდესაც „ქართული ოცნება“ საუბრობს იმაზე, რომ ჩვენ ბევრად წინ ვართ, ვიდრე მოლდოვა და უკრაინა, საუბრობენ ასოცირების ხელშეკრულებით აღებული ვალდებულებების შესრულებაზე, მაგრამ ჩვენ გვაქვს კონკრეტული ვალდებულებები 12 პუნქტის. გვეუბნებიან, რომ 12 პუნქტიდან მარტო 3 გვაქვს შესრულებული, არ შეასრულებთ ამ 9 პუნქტს, ვერ მიიღებთ კანდიდატის სტატუსს“, - განაცხადა თამარ კორძაიამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი