შალვა პაპუაშვილი - „ლელოს“ და ზოგადად, ოპოზიციის ინიციატივა პრემიერის იმპიჩმენტთან დაკავშირებით, მოქალაქეებს დაანახებს ამ პოლიტიკური ჯგუფების არასერიოზულობას

პარლამენტის თავმჯდომარის შალვა პაპუაშვილის განცხადებით, ოპოზიციის ნაწილმა პრემიერ-მინისტრის იმპიჩმენტის საკითხზე საუბარი, მმართველი ძალის მიერ პრეზიდენტის წინააღმდეგ დაწყებული იმპიჩმენტის პროცედურის საპირწონედ დაიწყო.

როგორც პარლამენტის სპიკერმა აღნიშნა, პრემიერის წინააღმდეგ იმპიჩმენტის პროცესის დაწყება კიდევ ერთხელ აჩვენებს ინიციატორი პოლიტიკური ჯგუფების არასერიოზულობას.

„რაც შეეხება „ლელოს“ და ზოგადად, ოპოზიციის ინიციატივას იმპიჩმენტთან დაკავშირებით, ეს კიდევ ერთხელ, საბოლოო ჯამში, მოქალაქეებს დაანახებს ამ პოლიტიკური ჯგუფების არასერიოზულობას. არანაირი საფუძველი იმპიჩმენტის პროცესის დაწყების, არ აქვთ, თუ არადა, აქ არიან და ჩამოაყალიბონ, რომელ საფუძველს ეყრდნობიან. ხაზგასმით ითქვა, რომ საბიუჯეტო თანხის არც ერთი თეთრი არ დახარჯულა და ეს ხარჯები სრულად იყო დაფარული პრემიერის მიერ. მათ შორის, მინდა ხაზი გავუსვა, რომ არც იმ საგამოძიებო რეპორტაჟში ანონიმურ წყაროზე დაყრდნობითაც კი, რომელიც ამ დროს არის ხოლმე, როგორც წესი, გამოყენებული, როგორც დასაბუთება, არც იქ თქმულა, რომ ბიუჯეტის თანხა დაიხარჯა. ყველა ხარჯისა და შემოსავლის, როგორ მოხდა ამის დაფინანსება, მოხდება ამის დეკლარირება.

ეს არის პასუხი კონსტიტუციის უხეში დარღვევის გამო დაწყებული საიმპიჩმენტო პროცედურისა, რომელიც წამოიწყო საპარლამენტო უმრავლესობამ. ეს არის პასუხი, რომ გადაიტანონ ყურადღება ამ თემაზე და თითქოს საპირწონე შექმნან საქართველოს კონსტიტუციის უხეში დარღვევის პრეცედენტისა.

გაკეთდა განმარტება ყველა პასუხისმგებელი პირის მიერ, რომ არც ერთი თეთრი საბიუჯეტო თანხებისა არ დახარჯულა და, რა თქმა უნდა, ამ განმარტებას ჩვენ ვენდობით და საზოგადოებაც, რა თქმა უნდა, ენდობა, ვინც არც ენდობა, განაცხადეს გარკვეულმა პოლიტიკურმა ჯგუფებმა, რომ აპირებენ იმპიჩმენტის პროცესის წამოწყებას და წამოიწყონ, ვნახოთ რა დასაბუთება ექნებათ", - განაცხადა პაპუაშვილმა.

„ლელო" პრემიერ-მინისტრ ირაკლი ღარიბაშვილის თანამდებობიდან იმპიჩმენტის წესით გადაყენების პროცესის დაწყების ინიციატივით გამოდის.

როგორც "ლელოს" დეპუტატმა სალომე სამადაშვილმა პარლამენტში გამართულ პრესკონფერენციაზე განაცხადა, არ შეიძლება დღეს, როცა საქართველო ევროკავშირისგან კანდიდატის სტატუსის მიღებას ელის, „ქვეყანას მის ისტორიაში ყველაზე უფრო კორუმპირებული პრემიერ-მინისტრი ჰყავდეს და საზოგადოებასა და ოპოზიციას ამაზე რეაგირება არ ჰქონდეს“.

სამადაშვილის ინფორმაციით, ღარიბაშვილის იმპიჩმენტის საკითხზე პოლიტიკურ ჯგუფებთან კონსულტაციებს დღეიდან იწყებენ

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024