ირაკლი ღარიბაშვილი - უკვე დაწყებულია რამდენიმე ასეული სკოლისა და 1000-ზე მეტი საბავშვო ბაღის რეაბილიტაცია-მშენებლობის პროცესი - მძიმე მემკვიდრეობა დაგვხვდა, მაგრამ პროცესი ძალიან კარგი ტემპით მიმდინარეობს

პრემიერ-მინისტრ ირაკლი ღარიბაშვილის განცხადებით, რამდენიმე ასეული სკოლისა და საბავშვო ბაღის მშენებლობა-რეაბილიტაცია არის დაწყებული.

ღარიბაშვილმა მთავრობის სხდომის დაწყებამდე მოსწავლეებს ახალი სასწავლო წლის დაწყება მიულოცა.

„მინდა ყველას მივულოცო სასწავლო წლის დაწყება, მოგეხსენებათ, დღეს დაიწყო ოფიციალურად სწავლა და მინდა, პირველ რიგში, ჩვენს პატარებს, პირველკლასელებს, მოსწავლეებს, მასწავლებლებს, მშობლებს და მთლიანად საზოგადოებას მივულოცო. აქვე მინდა აღვნიშნო, რომ ჩვენ შარშან დავიწყეთ ძალიან მნიშვნელოვანი პროგრამა, რომელიც ასობით სკოლის - 880 სკოლის რეაბილიტაცია-მშენებლობას ითვალისწინებს. უკვე დაწყებულია, დაკონტრაქტებულია რამდენიმე ასეული სკოლის რეაბილიტაციის, მშენებლობის პროცესი. ამ პროგრამის ფარგლებში, დაახლოებით, მილიარდი ლარი დაიხარჯება. ასევე ჩვენ დავიწყეთ 1000-ზე მეტი საბავშვო ბაღის მშენებლობა-რეაბილიტაციაც, რომელიც ასევე მილიარდ ლარზე მეტი ღირებულების პროექტია, ეს არის წლების მიხედვით გადანაწილებული, მინდა აღვნიშნო, რომ ჩვენი მთავარი მოტივაცია, მიზანია, რომ ჩვენი ახალგაზრდები, შვილები, მოსწავლეები სწავლობდნენ ევროპული სტანდარტების, თანამედროვე სტანდარტების სკოლებში, ბაღებში და ამ პროცესს ბოლომდე მივიყვანთ. იცით, რომ სკოლებშიც, ბაღებშიც ძალიან მძიმე მდგომარეობა იყო, რაც ჩვენ ხელისუფლებაში მოვედით, ბოლო 10 წელიწადში ძალიან ბევრი სკოლა აშენდა, ასევე ბევრი რეაბილიტირდა, მაგრამ ეს საკმარისი არ იყო, ჩვენ ძალიან მძიმე მემკვიდრეობა დაგვხვდა, ამიტომ ეს საკითხი გადაწყვეტილია და ძალიან კარგი ტემპებით მიმდინარეობს“, - განაცხადა ღარიბაშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი