გია ხუხაშვილი აშშ-ს მიერ ფარცხალაძის დასანქცირებაზე - ეს არის გაფრთხილებაც, ყველაფერთან ერთად, ბიძინა ივანიშვილისთვის, იმიტომ, რომ ძალიან დავიწროვდა წრე - პირდაპირ მასზე არის ისარი უკვე მიმართული

ბიძინა ივანიშვილს ფარცხალაძე სულ ფეხებზე ჰკიდია. ის იდარდებს თავის თავზე, ზუსტად იმაზე, რომ მისთვის არის ეს გზავნილი განკუთვნილი - პირდაპირ მასზე არის ისარი უკვე მიმართული და შეიძლება შემდეგი არც არავინ არ იყოს და ყველაფერს პირდაპირ დაერქვას თავისი სახელი, - ამის შესახებ პოლიტოლოგმა, გია ხუხაშვილმა „პალიტრანიუსის“ გადაცემა „360 გრადუსში“ განაცხადა, რითაც ამერიკის შეერთებული შტატების მიერ საქართველოს ყოფილი გენერალური პროკურორის, ოთარ ფარცხალაძის დასანქცირებას გამოეხმაურა.

პოლიტოლოგი აღნიშნავს, რომ ვერ ხედავს საფუძველს, თუ რის საფუძველზე არ უნდა ჰქონდეს ფარცხალაძეს ისეთივე გავლენა, რაც გასულ წლებში, რადგან, მისივე თქმით, ბიძინა ივანიშვილს ფარცხალაძესთან კონფლიქტი არ ჰქონია.

კითხვაზე, თუ ვინ შეიძლება მოხვდეს სანქცირებულთა სიაში, ხუხაშვილი აღნიშნავს, რომ საუბარია 2-3 ადამიანზე, თუმცა ის კონკრეტულ გვარებს არ ასახელებს. ის ასევე, აღნიშნავს, რომ შესაძლოა, შემდეგი არც არავინ იყოს და „ყველაფერს პირდაპირ დაერქვას თავისი სახელი“.

„მე შემიძლია საკმაოდ დიდი სია გავაკეთო, მაგრამ პრინციპში დიდი აღარ იქნება, იმიტომ, რომ უკვე ისე ახლოს მივიდა ეს ყველაფერი, 2-3 კაცია უკვე დარჩენილი ხომ?! ჭორაობას ხომ ვერ დავიწყებ და გვარების დასახელებას. მთავარი არ არის ვინ იქნება შემდეგი. ფაქტია, რომ ეს არის გაფრთხილებაც, ყველაფერთან ერთად, პირდაპირ ბიძინა ივანიშვილისთვის, იმიტომ, რომ ძალიან დავიწროვდა ეს წრე. პირდაპირ მასზე არის ისარი უკვე მიმართული და აქედან გამომდინარე, შეიძლება არც არავინ არ იყოს [შემდეგი] და ყველაფერს პირდაპირ დაერქვას თავისი სახელი. ეს აღარ არის უკვე გამორიცხული, ისე ღრმად არის ეს ყველაფერი შესული. აქედან გამომდინარე, ძალიან დრამატული სიტუაციაა. მე ეს ნამდვილად არ მიხარია, იმიტომ, რომ ქვეყანა ზიანდება. სამწუხაროდ, ჩვენი ხელისუფლება ძალიან შეეზარდა სახელმწიფოს, აქედან გამომდინარე, თუ სახელისუფლებო კოლაფსი მოხდა, და ბიძინა ივანიშვილზე შეხება თუნდაც მოკლევადიან კოლაფსს გამოიწვევს, ეს საზიანო იქნება. ეს პროცესი უნდა იყოს მაქსიმალურად უმტკივნეულო, რომ სახელმწიფო არ დაზიანდეს“, - განაცხადა ხუხაშვილმა.

გარდა ამისა, პოლიტოლოგი აღნიშნავს, რომ ქართულმა სპეცსამსახურებმა ოთარ ფარცხალაძის დასანქცირებასთან დაკავშირებით, ამერიკის შეერთებული შტატების სახელმწიფო დეპარტამენტის განმარტებაზე გამოძიება უნდა დაიწყოს.

„სახელმწიფო დეპარტამენტის ეს სამოტივაციო ნაწილი საკმარისი საფუძველია, რომ ქართულმა სპეცსამსახურებმა შესაბამისი გამოძიება დაიწყოს. გამოითხოვონ თუნდაც ამერიკის შეერთებული შტატებიდან შესაბამისი მტკიცებულებები, იმიტომ, რომ ბრალდება ძალიან მძიმეა. როდესაც საუბარია იმაზე, რომ ის თანამშრომლობს ჩვენთვის მტრული ქვეყნის სპეცსამსახურებთან, ბუნებრივია, ქვეყნის უსაფრთხოების საკითხზე ვსაუბრობთ აქ და სპეცსამსახურებმა უნდა გამოითხოვონ შესაბამისი დოკუმენტაცია და უნდა მისცეს საქმეს მსვლელობა. საბოლო ჯამში, რაღაც შედეგი უნდა დადგეს, ან უნდა გამტყუნდეს და შესაბამისი ზომები იქნეს მიღებული, ან უნდა თქვან, რომ სხვა რამესთან გვაქვს საქმე“, - განაცხადა ხუხაშვილმა.

ცნობისთვის, აშშ-მა საქართველოს ყოფილ მთავარ პროკურორს, ოთარ-ფარცხალაძეს სანქციები დაუწესა. ამის შესახებ ინფორმაციას აშშ-ის სახაზინო დეპარტამენტის უცხოური აქტივების კონტროლის ოფისი ავრცელებს. მათი ცნობით, ახალი სასანქციო პაკეტის ფარგლებში სანქციები კიდევ 24 ინდივიდზე გავრცელდება, რომელთა შორის ოთარ ფარცხალაძეც არის. აშშ-ის სახელმწიფო დეპარტამენტი ოთარ ფარცხალაძეს, რომლის წინააღმდეგაც სანქციები დააწესა, ქართველ-რუს ოლიგარქად მოიხსენიებს, რომელთანაც რუსეთის უშიშროების ფედერალური სამსახური (“ეფესბე”) მუშაობდა, რათა რუსეთის სასარგებლოდ გავლენა მოეხდინა ქართულ საზოგადოებასა და პოლიტიკაზე.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი